(vovworld) - ວັນທີ 13/12, ຈີນ ໃຫ້ຮູ້ວ່າ ເຮືອບິນຕິດຕາມກວດກາທາງທະເລຂອງປະເທດນີ້ ໄດ້ບິນໃນເຂດນ່ານຟ້າຂອງໝູ່ເກາະຕຽວອີ (ເຊິ່ງຝ່າຍຍີ່ປຸ່ນເອີ້ນວ່າ Senkaku) ນັ້ນແມ່ນການກະທຳປົກກະຕິ. ກ່າວຄຳເຫັນທີ່ກອງປະຊຸມຂ່າວນັດສາມັນ, ໂຄສົກກະຊວງການຕ່າງປະເທດຈີນ ຫົງເລີ້ຍ ຢືນຢັນວ່າ ໝູ່ເກາະຕ້ຽວອີ ແລະ ບັນດາໝູ່ເກາະອ້ອມຂ້າງແມ່ນຜືນແຜ່ນດິນພາກສ່ວນໜຶ່ງທີ່ບໍ່ອາດໂອນສິດໄດ້ຂອງຈີນ ແລະ ເລື່ອງເຮືອບິນຕິດຕາມກວດກາເຂດທະເລຂອງຈີນ ບິນເຖິງເຂດນ່ານຟ້າບັນດາໝູ່ເກາະນີ້ແມ່ນເລື່ອງທຳມະດາ. ທ່ານ ຫົົງເລີ້ຍ ກໍເລັ່ງລັດຝ່າຍຍີ່ປຸ່ນ ຈົ່ງຢຸດຕິບັນດາການເຄື່ອນໄຫວທີ່ຜິດກົດໝາຍໃນເຂດທະເລ ແລະ ນ່ານຟ້າຂອງໝູ່ເກາະນີ້. ທ່ານໄດ້ຖືວ່າ ບັນດາສິ່ງທີ່ຄ້າງຄາໃນປະຈຸບັນໃນການພົວພັນລະຫວ່າງຈີນ - ຍີ່ປຸ່ນ ແມ່ນມາຈາກຂອງເລື່ອງ ໂຕກຽວ ຊື້ໝູ່ເກາະ ຕ້ຽວອີ ຜິດກົດໝາຍ ພ້ອມທັງຮຽກຮ້ອງໃຫ້ລັດຖະບານຍີ່ປຸ່ນ ແກ້ໄຂຄວາມຜິດພາດດ້ວຍການສະແດງຄວາມຈິງໃຈກໍຄືການກະທຳຜ່ານການໂອ້ລົມສົນທະນາເຈລະຈາ.