(VOVWORLD) - ຕອນບ່າຍວັນທີ 22 ສິງຫາ, ເຮືອບິນ ຂະໜາດນ້ອຍລຳໜຶ່ງໄດ້ຕົກຢູ່ແຂວງ ສະເຊີງເຊົາ ທາງທິດຕາເວັນອອກຂອງປະເທດໄທ.
 ສະຖານທີ່ເກີດເຫດ (ພາບ: Thairath) |
ອົງການເຈົ້າໜ້າທີ່ໄທໄດ້ພົບເຫັນມີເສດແຕກຫັກຂອງເຮືອບິນ ກະແຈກກະຈາຍຢູ່ປ່າຊາຍເລນ ບໍ່ມີພາຫະນະໄປມາ. ຕາມຂໍ້ມູນເບື້ອງຕົ້ນ, ເຮືອບິນລຳນີ້ອາດຈະມີຜູ້ໂດຍສານ 7 ຄົນ ແລະ ຈຸບິນ 2 ຄົນ. ສ່ວນຕາມຂໍ້ມູນຂອງສຳນັກຂ່າວສານ ຊີນຮວາ ໃນວັນທີ 23 ສິງຫາ, ສະຖານທູດຈີນ ປະຈຳ ໄທແຈ້ງໃຫ້ຊາບວ່າ ມີພົນລະເມືອງຈີນ 5 ຄົນເສຍຊີວິດໃນເຫດເຮືອບິນຕົກນີ້. ຕາມການເລົ່າເລື່ອງຂອງຄົນເປັນພະຍານ, ເຂົາເຈົ້າເຫັນເຮືອບິຍເສຍການຄວບຄຸມກ່ອນທີ່ຈະຕົກລົງປາ ແລະ ລະເບີດຂຶ້ນ. ເຮືອບິນປະສົບອຸບັດຕິເຫດໃນເວລາພວມເດີນທາງໄປຍັງແຂວງ ຕຣາດ ທາງທິດຕາເວັນອອກສ່ຽງໃຕ້ຂອງປະເທດນີ້.