ທ່ານລັດຖະມົນຕີກະຊວງອຸສາຫະກຳ ການຄ້າ ເຈີ່ນຕ໋ວນແອງ
(ພາບ: ຢວານຕ໋ວນ/ ສຳນັກຂ່າວສານ ຫວຽດນາມ)
|
(vovworld) – ວັນທີ 3/11, ສະພາແຫ່ງຊາດສືບຕໍ່ດຳເນີນກອງປະຊຸມຄົບຄະນະຢູ່ຫໍປະຊຸມ, ປຶກສາຫາລືບັນດາບັນຫາເສດຖະກິດ - ສັງຄົມ, ສ້າງໂຄງປະກອບເສດຖະກິດຄືນໃໝ່. ໃນວາລະປຶກສາຫາລືໃນຕອນເຊົ້າວັນທີ 3/11, ບັນດາສະມາຊິກສະພາແຫ່ງຊາດສືບຕໍ່ສະແດງຄວາມສົນໃຈເຖິງການພັດທະນາເສດຖະກິດກະສິກຳ, ວິທີການແກ້ໄຂບັນດາໂຄງການໃຫຍ່ທີ່ມີໄພຮົ່ວໄຫຼທຶນຮອນຂອງລັດ, ວຽກງານພະນັກງານ.
ເມື່ອເຕື້ອງເຖິງສະພາບການຂອງບາງໂຄງການໃຫຍ່ທີ່ພວມເຄື່ອນໄຫວດ້ວຍປະສິດທິຜົນຕ່ຳ, ບັນດາສະມາຊິກສະພາແຫ່ງຊາດ ສະເໜີໃຫ້ລັດຖະບານກວດກາ ແລະ ປະກາດລະອຽດຈຳນວນໂຄງການນີ້ ພ້ອມທັງມີວິທີການແກ້ໄຂເພື່ອຫລີກລ້ຽງການຮົ່ວໄຫຼທຶນຮອນຂອງລັດ. ເມື່ອອະພິປາຍກ່ຽວກັບເນື້ອໃນນີ້, ທ່ານລັດຖະມົນຕີກະຊວງອຸສາຫະກຳ ການຄ້າ ເຈີ່ນຕ໋ວນແອງ, ໃຫ້ຮູ້ວ່າ:
“ບັນດາໂຄງການນີ້ຖືກດຳເນີນໃນໄລຍະຍາວເມື່ອທຽບໃສ່ວິວັດການລົງທຶນຂອງໂຄງການໄດ້ອະນຸມັດຜ່ານ, ໃນວິວັດການປະຕິບັດຍັງມີການປ່ຽນແປງຫຼາຍຢ່າງ ແລະ ມີການຊີ້ນຳຂອງບັນດາອົງການເພື່ອແກ້ໄຂ. ກະຊວງອຸດສາຫະກຳ - ການຄ້າ ແລະ ບັນດາກະຊວງ, ຂະແໜງການໄດ້ສັງລວມ, ຕີລາຄາຮອບດ້ານບັນດາໂຄງການຍັງຄົງຄ້າງ ແລະ ລາຍງານລະອຽດກ່ຽວກັບສະພາບການຕົວຈິງ, ວິວັດການບໍລິຫານ, ບົດບາດ ແລະ ຄວາມຮັບຜິດຊອບຂອງບັນດາຂັ້ນຄຸ້ມຄອງ, ມາດຕະການປະຕິບັດຕາມຫຼັກການປົກປ້ອງຜົນປະໂຫຍດ ແລະ ທຶນຮອນຂອງລັດ, ເຮັດແຈ້ງຄວາມຮັບຜິດຊອບຂອງທຸກໆສ່ວນບຸກຄົນ ແລະ ຫົວໜ່ວຍກ່ຽວຂ້ອງເພື່ອແກ້ໄຂ.”
ແລະກໍ່ໃນວາລະປະຊຸມປຶກສາຫາລືຕອນເຊົ້າວັນທີ 03/11, ກ່ຽວຂ້ອງເຖິງປະສິດທິຜົນວິວັດການສ້າງໂຄງປະກອບເສດຖະກິດຄືນໃໝ່ ກໍ່ຄືປະສິດທິຜົນການປະຕິບັດບັນດາເປົ້າໝາຍເສດຖະກິດ - ສັງຄົມ, ສສຊ ຫລາຍທ່ານສະເໜີ ລັດຖະບານເອົາໃຈໃສ່ເປັນພິເສດເຖິງວຽກງານພະນັກງານ, ໃນນັ້ນມີການສ້າງກົງຈັກກະທັດລັດ ຫລຸດຜ່ອນຈຳນວນພະນັກງານ. ທ່ານ ເຢືອງວັນທົ໋ງ ສະມາຊິກສະພາແຫ່ງຊາດແຂວງ ອຽນບ໋າຍ ສະເໜີວ່າ:
“ຂ້າພະເຈົ້າສະເໜີຄົ້ນຄ້ວາກວດກາ, ປັບປຸງແບບສັງລວມທັງໝົດກົງຈັກ, ຮັກບປະກັນການຊີ້ນຳນຳພາຂອງພັກ, ການຈັດແບ່ງງານສົມທົບກັບການຄວບຄຸມສິດອຳນາດ. ໃນແຕ່ລະປີ ລັດຖະບານ ແລະ ອົງການອື່ນໆຂອງລັດ ຕ້ອງລາຍງານຕໍ່ສະພາແຫ່ງຊາດເລື່ອງຊັບຊ້ອນກົງຈັກ ແລະ ການຫລຸດຜ່ອນຈຳນວນພະນັກງານກົງຈັກກະທັດລັດ ກໍ່ຄືຄ່າໃຊ້ຈ່າຍບາງຢ່າງໄດ້ຫລຸດລົງ. ຕ້ອງກວດກາວຽກງານຈັດຕັ້ງພະນັກງານເປັນປະຈຳ ໃນນັ້ນ ມີການຊັບຊ້ອນການຈັດຕັ້ງກົງຈັກ”