ທ່ານຮອງນາຍົກລັດຖະມົນຕີ ຮ່ວາງຈຸງຫາຍນຳໜ້າ ໄດ້ລົງກວດກາສະພາບຄວາມເສຍຫາຍຍ້ອນພາຍຸ ຢູ່ເມືອງໂບ້ແຈກ ແຂວງກວາງບິນ
|
(Vovworld)- ຕາມການສະຖິຕິຈາກສູນກາງປ້ອງກັນ ແລະ ຕ້ານພາຍຸນ້ຳຖ້ວມເຂດພາກກາງ ແລະ ໄຕງວຽນ, ພະຍຸ Wutip (ພະຍຸເລກທີ 10)ໄດ້ກໍ່ຜົນເສຍຫາຍຢ່າງໜັກໜ່ວງທາງຊັບສິນ ແລະ ຊີວິດອິນຊີໃຫ້ເຂດພາກກາງ ແລະ ໄຕງວຽນ ອັນໄດ້ເຮັດໃຫ້ 3 ຄົນເສຍຊີວິດ ແລະ 31 ຄົນຖືກບາດເຈັບ. ພະຍຸ Wutip ໄດ້ເຮັດໃຫ້ເຮືອນ 5 ພັນຫຼັງຖືກເປເພ, ເສັ້ນທາງບົກ, ທາງລົດໄຟເໜືອ-ໃຕ້ຖືກເສາະເຈື່ອນຢູ່ຫຼາຍບ່ອນ, ສຳນັກງານເຮັດວຽກ ແລະ ໂຮງໝໍຫຼາຍແຫ່ງຖືກເພພັງ ແລະ ເນື້ອທີ່ດິນປູກຕົ້ນຢາງພາລາກ່ວາ 7000 ແຮັກຕາຖືກທຳລາຍ….
ພະຍຸ Wutip ໄດ້ເຮັດໃຫ້ເສົາອັງແຕນຂອງສະຖານີວິທະຍຸກະຈາຍສຽງດົງເຮີຍ ຂຶ້ນກັບສູນເຕັກນິກກະຈາຍສຽງ, ວິທະຍຸກະຈາຍສຽງຫວຽດນາມ ຢູ່ນະຄອນດົ່ງເຮືຍ ແຂວງກວາງບິງ ຖືກພັງທະລາຍ ແລະ ເຮັດໃຫ້ພະນັກງານຂອງສະຖານີວິທະຍຸກະຈາຍສຽງດົງເຮີຍ 2 ຄົນເສຍຊີວິດ ແລະ ກຳມະກອນຄົນໜຶ່ງຖືກບາດເຈັບສາຫັດ. ພາຍລັງເກີດເຫດ, ການນຳວິທະຍຸກະຈາຍສຽງຫວຽດນາມ ໄດ້ແບ່ງປັນ ແລະ ລະດົມກຳລັງໃຈຄອບຄົວຜູ້ປະສົບເຄາະຮ້າຍຢ່າງທັນການ ແລະ ຊີ້ນຳພະນັກງານພາລະກອນ ສະຖານີວິທະຍຸກະຈາຍສຽງດົງເຮີຍ ຈົ່ງແກ້ໄຂຜົນຮ້າຍໂດຍໄພທຳຊາດກໍ່ຂຶ້ນຢ່າງໄວວາ.
ຕອນເຊົ້າວັນທີ 1/10, ທ່ານນາຍົກລັດຖະມົນຕີ ຫວຽດນາມ ຫງວຽນເຕີ້ນຢຸງ ໄດ້ສົ່ງໂທລະເລກ ທາງການ ກ່ຽວກັບແກ້ໄຂຜົນຮ້າຍຢ່ອນຫຼັງຂອງພາຍຸ, ທ່ານນາຍົກລັດຖະມົນຕີ ຫວຽດນາມ ຫງວຽນເຕີ້ນຢຸງ ສະເໜີການນຳບັນດາ ແຂວງຕ້ອງຕິດຕາມການຜັນແປຂອງນ້ຳຖ້ວມເພື່ອ ຊີ້ນຳການຮັບມື, ສືບຕໍ່ ຜັນຂະຫຍາຍບັນດາມາດຕະການປ້ອງກັນ ແລະ ຕ້ານພາຍຸ, ຮັບປະກັນຄວາມ ປອດໄພໃຫ້ຊີວິດອີນຊີ ແລະ ຊັບສິນຂອງປະຊາຊົນ. ທ່ານນາຍົກລັດຖະມົນຕີ ຫວຽດນາມ ຫງວຽນເຕີ້ນຢຸ້ງສະເໜີກະຊວງຖະແຫຼງຂ່າວ ແລະ ສື່ສານຈົ່ງຊີ້ນຳ ແກ້ໄຂສະພາບຕິດຂັດທາງ ຄົມມະນາຄົມ, ຮັບປະກັນ ແກ່ການເຄື່ອນໄຫວຂອງສາຍທາງລົດໄຟເໜືອໃຕ້ ແລະ ທາງຫຼວງ 1A , ເສັ້ນທາງໂຮ່ຈິມິນ. ກະຊວງປ້ອງກັນປະເທດສືບຕໍ່ລະດົມກຳລັງເພື່ອໜູນຊ່ວຍບັນດາທ້ອງຖິ່ນກູ້ໄພກູ້ຊີບ, ແກ້ໄຂຜົນຮ້າຍຢ່ອນຫຼັງຂອງພາຍຸ.
ໃນວັນດຽວກັນ, ຄະນະປະຕິບັດງານລັດຖະບານໂດຍ ທ່ານຮອງນາຍົກລັດຖະມົນຕີ ຫວຽດນາມ ຮ່ວາງຈຸງຫາຍນຳໜ້າ ໄດ້ລົງກວດກາສະພາບຄວາມເສຍຫາຍຍ້ອນພາຍຸ ຢູ່ເມືອງໂບ້ແຈກ ແຂວງກວາງບິນ. ຢູ່ທີ່ນີ້, ທ່ານຮອງນາຍົກລັດຖະມົນຕີ ຫວຽດນາມ ຮ່ວາງຈຸງຫາຍ ໄດ້ເນັ້ນໜັກວ່າ :
“ ທາງແຂວງ ແລະ ເມືອງຄວນເປັນເຈົ້າການເອົາແຫຼ່ງງົບປະມານສຳຮອງຂອງລັດເພື່ອຊ່ວຍປະຊາຊົນແກ້ໄຂຜົນຮ້າຍຢ່ອນຫຼັງຕາມແຜນນະໂຍບາຍ, ນະໂຍບາຍຂອງລັດ, ນອກຈາກນັ້ນ, ຂະແໜງກະສີກຳຈົ່ງສະຖີຕິຜົນເສຍຫາຍຂອງປະຊາຊົນເພື່ອເພື່ອມີນະໂຍບາຍໜູນຊ່ວຍລະອຽດ. ໃນສະເພາະໜ້າ, ພວກເຮົາປະຕິບັດຕາມນະໂຍບາຍຂອງລັດສຳລັບປະຊາຊົນຜູ້ຖືກເສຍຫາຍດ້ານຊັບສິນ ແລະ ຊີວິດອີນຊີ ”