(VOVWORLD) -ວັນທີ 20 ທັນວາ, ຢູ່ຮ່າໂນ້ຍ, ກະຊວງຍຸຕິທຳ ໄດ້ຈັດເວທີປາໄສດຳເນີນທຸລະກິດ ແລະ ກົດໝາຍ ປີ 2022 ດ້ວຍຫົວຂໍ້ “ຕີລາຄາ, ແກ້ໄຂສິ່ງຄ້າງຄາທາງດ້ານນິຕິກຳ: ໜູນຊ່ວຍວິສາຫະກິດຟື້ນຟູ ແລະ ພັດທະນາ”.
 ເວທີປາໄສ (ພາບ: VOV) |
ກ່າວຄຳເຫັນທີ່ເວທີປາໄສ, ທ່ານຮອງນາຍົກລັດຖະມົນຕີ ຜູ້ປະຈຳການລັດຖະບານ ຫວຽດນາມ ຟ້າມບິ່ງມິງ ສະເໜີໃຫ້ຂະແໜງຍຸຕິທຳ ຕ້ອງສ້າງສະພາບແວດລ້ອມລະບອບລະບຽບການ, ກອບນິຕິກຳ, ການສຳຜັດກັບບັນດາກິດຈະກຳ, ບໍລິການໜູນຊ່ວຍທາງດ້ານນິຕິກຳໃຫ້ແກ່ວິສາຫະກິດ; ສະເໜີຄົ້ນຄວ້າ, ສ້າງໃໝ່, ປັບປຸງ, ດັດປັບກົນໄກນະໂຍບາຍ, ຂໍ້ກຳນົດທີ່ພວມມີຢູ່ ໃຫ້ແທດເໝາະກັບສະພາບການໃໝ່. ບົນພື້ນຖານການຕີລາຄາຄວາມຕ້ອງການຂອງວິສາຫະກິດ, ສະເໜີບັນດາມາດຕະການໜູນຊ່ວຍຢ່າງຄົບຊຸດ, ແທດຈິງ ແລະ ມີຄວາມເປັນໄປໄດ້, ອາດສຸມໃສ່ບັນດາເນື້ອໃນຄື: ເພີ່ມທະວີຄວາມສາມາດສຳຜັດກັບບັນດາໂຄງການ, ການບໍລິການໜູນຊ່ວຍດ້ານນິຕິກຳ; ການປ້ອງກັນ, ຕ້ານ ແລະ ແກ້ໄຂຄວາມຄັດແຍ້ງດ້ານການຄ້າ, ການລົງທຶນ, ຫຼຸດຜ່ອນຄວາມສ່ຽງເມື່ອເຂົ້າຮ່ວມການເຊື່ອມໂຍງເຂົ້າກັບສາກົນ.
ຜ່ານບັນດາຄຳເຫັນທີ່ປະກອບໃນເວທີປາໄສ, ບັນດາກະຊວງ, ຂະແໜງການ, ທ້ອງຖິ່ນຕ່າງໆ ມີຂໍ້ມູນເພີ່ມເຕີມ, ກຳແໜ້ນສະພາບການ, ຄວາມມຸ່ງມາດປາດຖະໜາ, ຄວາມຫຍຸ້ງຍາກ, ສິ່ງທ້າທາຍຂອງວິສາຫະກິດເພື່ອມີມາດຕະການແກ້ໄຂເທື່ອລະກ້າວ.