ແຂວງ ກ໋ວາງນາມ ມີຜູ້ຕິດເຊື້ອໂຄວິດ-19 ໃໝ່ຕື່ມອີກ 2 ຄົນ
(VOVWORLD) -ກະຊວງສາທາລະນະສຸກຫວຽດນາມ ຫາກໍປະກາດ ກ່ຽວກັບກໍລະນີທີ່ແຂວງ ກ໋ວາງນາມ ກວດພົບຜູ້ຕິດເຊື້ອໂຄວິດ-19 ໃໝ່ຕື່ມອີກ 2 ຄົນ, ເຊິ່ງກ່ຽວຂ້ອງເຖິງໂຮງໝໍ ດ່ານັ້ງ.
 ໄລ່ຮອດຈຸດເວລານີ້, ຫວຽດນາມມີຜູ້ຕິດເຊື້ອໂຄວິດ - 19 ທັງໝົດ 672 ຄົນ (ພາບ: ກະຊວງສາທາລະນະສຸກ) |
ຕອນເຊົ້າວັນທີ 05 ສິງຫາ, ກະຊວງສາທາລະນະສຸກຫວຽດນາມ ຫາກໍປະກາດ ກ່ຽວກັບກໍລະນີທີ່ແຂວງ ກ໋ວາງນາມ ກວດພົບຜູ້ຕິດເຊື້ອໂຄວິດ-19 ໃໝ່ຕື່ມອີກ 2 ຄົນ, ເຊິ່ງກ່ຽວຂ້ອງເຖິງໂຮງໝໍ ດ່ານັ້ງ. ໄລ່ຮອດຈຸດເວລານີ້, ຫວຽດນາມມີຜູ້ຕິດເຊື້ອໂຄວິດ - 19 ທັງໝົດ 672 ຄົນ, ໃນນັ້ນ 224 ກໍລະນີຕິດເຊື້ອໃໝ່ ແມ່ນມີສ່ວນກ່ຽວຂ້ອງກັບດ່າໜັງ ນັບແຕ່ວັນທີ 25 ກໍລະກົດຈົນຮອດປັດຈຸບັນ. 378 ກໍລະນີຕິດເຊື້ອໂຄວິດ - 19 ໄດ້ຮັບການປິ່ນປົວຫາຍດີ ແລະ ມີຜູ້ເສຍຊີວິດ08 ກໍລະນີ.