ພາບປະກອບ:internet
|
(vovworld)- ວັນທີ 8/2 ກົງກັບວັນທີ 1/1 ໄລ່ຕາມຈັນທະປະຕິທິນ, ຢູ່ທ່າກຳປັ່ນ ເກື໋ອອົງ ແຂວງ ກວ໋າງນີງ, ກຸ່ມບໍລິສັດອຸດສາຫະກຳຖ່ານຫີນແລະບໍ່ແຮ່ຫວຽດນາມ ແລະ ບໍລິສັດ Vinacomin ໄດ້ຈັດຕັ້ງພິທີຕ້ອນຮັບກຳປັ່ນ 2 ລຳເຂົ້າທຽບທ່າຮັບເອົາຖ່ານຫີນ 33.7000 ໂຕນ ເປັນຄັ້ງທຳອິດໃນປີໃຫມ່ປີວອກ. ເລື່ອງຕ້ອນຮັບກຳປັ່ນ 2 ລຳດັ່ງກ່າວແມ່ນມີຄວາມໝາຍເປີດສາກໃຫ້ລະດູການຈຳຫນ່າຍຖ່ານຫີນຢ່າງມີໄຊ ແລະ ການຜະລິດຂອງກຸ່ມບໍລິສັດດັ່ງກ່າວແມ່ນມີຄວາມສະດວກ, ໂຊກດີ, ປະຕິບັດແຜນການຜະລິດ ແລະ ຈຳຫນ່າຍຖ່ານຫີນໃນປີ 2016 ສຳເລັດຜົນ. ເນື່ອງໃນໂອກາດບຸນປີໃຫມ່ປະຈຳຊາດ, ບັນດາກຳປັ່ນເຂົ້າທຽບທ່າກຳປັ່ນເພື່ອຮັບເອົາຖ່ານຫີນ ລ້ວນແຕ່ໄດ້ຮັບການຕ້ອນຮັບຈາກກຸ່ມບໍລິສັດອຸດສາຫະກຳຖ່ານຫີນ ແລະ ບໍ່ແຮ່ຫວຽດນາມ ຕາມຮີດຄອງປະເພນີບຸນປີໃຫມ່ປະຈຳຊາດຂອງຫວຽດນາມ.