ທ່ານ ຫງວຽນຊວນຟຸກ ເຮັດວຽກຢູ່ແຂວງ ກວາງຫງາຍ
(vovworld) – ໂດຍສືບຕໍ່ການປະຕິບັດງານຢູ່ພາກກາງ, ຕອນບ່າຍວັນທີ 9/8, ທີ່ການເຮັດວຽກກັບການນຳຫຼັກແຫຼ່ງແຂວງ ກວາງຫງາຍ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຊີ້ແຈ້ງບັນດາຄວາມສາມາດບົ່ມຊ້ອນພັດທະນາຂອງແຂວງໃນໄລຍະອະນາຄົດ ແລະ ສະເໜີແຂວງຕ້ອງສືບຕໍ່ແກ້ໄຂຮູບແບບເສດຖະກິດກະສິກຳ, ອຸດສາຫະກຳປຸງແຕ່ງ, ຍົກສູງມູນຄ່າ ແລະ ພັດທະນາການບໍລິການທີ່ເໝາະສົມກັບກົດເກນການຕະຫຼາດ. ທ່ານນາຍົກລັດຖະມົນຕີ ສະເໜີໃຫ້ແຂວງ ກວາງຫງາຍ ສືບຕໍ່ກວດກາ, ປັບປຸງ ແລະ ສ້າງລະບົບອຳນາດການປົກຄອງຂະຫຍັນຂັນເຄື່ອນ, ມີຫົວຄິດປະດິດສ້າງ. ພິເສດ, ແຂວງ ກວາງຫງາຍ ເອົາໃຈໃສ່ປະຕິບັດວຽກງານໜູນຊ່ວຍສັງຄົມເປັນຢ່າງດີ, ເບິ່ງແຍງດູແລໃຫ້ແກ່ເປົ້າໝາຍນະໂຍບາຍ, ຜູ້ມີຄຸນງາມຄວາມດີ ແລະ ຜູ້ທຸກຍາກ, ໜູນຊ່ວຍຊາວປະມົງທຳມາຫາກິນ, ຂຸດຄົ້ນສິນໃນນ້ຳ, ປົກປັກຮັກສາອະທິປະໄຕເຂດທະເລ, ໝູ່ເກາະຂອງປະເທດຊາດ.
ແລະກໍ່ໃນວັນດຽວກັນ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ລົງຢື້ຢາມຖາມຂ່າວ, ລະດົມກຳລັງໃຈຄະນະການນຳ ແລະ ໝູ່ຄະນະພະນັກງານ, ນັກເຕັກນິກ, ກຳມະກອນ, ຜູ້ອອກແຮງງານໂຮງງານກັ່ນນ້ຳມັນ ຢູງກວດ, ເຊິ່ງແມ່ນກິດຈະກຳຈຸດສຸມແຫ່ງຊາດມີຍອດເງິນລົງທຶນກ່ວາ 3 ຕື້ USD, ສາມາດປຸງແຕ່ງນ້ຳມັນດິບໄດ້ 6,5 ລ້ານໂຕນ/ປີ…