ແຂວງຊອກຈັງ:ວາງສະແດງແຜນທີ່ແລະເອກະສານກ່ຽວກັບຮ່ວາງຊາແລະເຈື່ອງຊາ
ແຂກມາຊົມງານວາງສະແດງ
(vovworld) - ຕອນເຊົ້າວັນທີ 4/11, ຢູ່ແຂວງຊອກຈັງ, ໄດ້ໄຂງານ ວາງສະແດງແຜນທີ່ ແລະ ເອກະສານ ”ຮ່ວາງຊາ ແລະ ເຈື່ອງຊາຂອງຫວຽດນາມ - ບັນດາຫຼັກຖານປະຫວັດສາດ ແລະ ນິຕິກຳ”. ຢູ່ທີ່ນີ້ວາງສະແດງ ແຜນທີ່ ແລະ ເອກະສານ 121 ສະບັບຂອງຫວຽດນາມ,ຈີນ ແລະ ບັນດາປະເທດຝ່າຍຕາເວັນຕົກ ພ້ອມກັບບັນດາຮູບພາບກ່ຽວກັບການເຄື່ອນໄຫວພັດທະນາເສດຖະກິດ, ວັດທະນະທຳ, ສັງຄົມຂອງເມືອງເກາະເຈື່ອງຊາ ໃນປະຈຸບັນ… ງານວາງສະແດງໄດ້ພິສູດໃຫ້ເຫັນອະທິປະໄຕຂອງຫວຽດນາມທີ່ມີຕໍ່ໝູ່ເກາະຮ່ວາງຊາ ແລະ ເຈື່ອງຊາ, ພ້ອມທັງສະໜອງຂໍ້ມູນເຖິງເພື່ອນມິດສາກົນ ເພື່ອໃຫ້ເຂົາເຈົ້າມີຄວາມເຂົ້າໃຈກວ່າກ່ຽວກັບຄວາມຈິງປະຫວັດສາດ, ຄວາມປາດຖະໜາ ແລະ ຄວາມມຸ່ງຫວັງຂອງປະຊາຊົນຫວຽດນາມໃນການຮັກສາສະຖຽນລະພາບ, ສັນຕິພາບໃນພາກພື້ນ. ທ່ານ ຟ້າມມິງຢາງ, ຮອງຫົວໜ້າກົມຖະແຫຼງຂ່າວຕ່າງປະເທດ, ກະຊວງຖະແຫຼງຂ່າວ ແລະ ສື່ສານ, ໃຫ້ຮູ້ວ່າ:
“ຂ້າພະເຈົ້າເຊື່ອໝັ້ນວ່າ, ດ້ວຍເອກະສານທັງໝົດທີ່ເປັນພາສາຈີນ, ພາສາອັງກິດ, ພາສາຝລັ່ງນັ້ນຈະຊ່ວຍໃຫ້ມະຫາຊົນເຂົ້າໃຈແຈ້ງອະທິປະໄຕ, ທະເລໝູ່ເກາະໃນແງ່ມູມປະຫວັດສາດ. ກໍ່ຄືເວົ້າເຖິງນິຕິກຳທີ່ມີລັກສະນະທຳນຽມສາກົນກ່ຽວກັບອະທິປະໄຕຂອງຫວຽດນາມທີ່ມີຕໍ່ໝູ່ເກາະຮ່ວາງຊາ ແລະ ເຈື່ອງຊາ ເຊິ່ງພວກເຮົາພວມປົກປັກຮັກສານັບແຕ່ໄດ້ຮັບການກໍ່ຕັ້ງມາຮອດປະຈຸບັນໂດຍທາງອ້ອມ“.