ທ່ານປະທານປະເທດ ເຈືອງເຕີນຊາງ ຢ້ຽມຢາມ ແລະ ເຮັດວຽກຢູ່ແຂວງ ບັກກ້ານ
(ພາບ: Nguyễn Khang – TTXVN) |
(vovworld) – ໃນຂອບເຂດລາຍການກວດກາສະພາບການປະຕິບັດໜ້າທີ່ເສດຖະກິດ - ສັງຄົມບັນດາແຂວງເຂດພູດອຍທາງພາກເໜືອ, ວັນທີ 7 ແລະ 8/7, ທ່ານປະທານປະເທດ ເຈືອງເຕີນຊາງ ພ້ອມກັບຄະນະປະຕິບັດງານສູນກາງໄດ້ລົງຢ້ຽມຢາມ ແລະ ເຮັດວຽກຢູ່ແຂວງ ບັກກ້ານ. ເມື່ອເຮັດວຽກກັບການນຳຫຼັກແຫຼ່ງແຂວງ, ທ່ານປະທານປະເທດ ຕີລາຄາສູງແຂວງ ບັກກ້ານທີ່ໄດ້ຮັກສາລະດັບເຕີບໂຕເສດຖະກິດສູງກ່ວາລະດັບສະເລ່ຍລວມຂອງທັງປະເທດໄລຍະ 2010 – 2015. ທ່ານປະທານປະເທດ ໃສ່ໃຈວ່າ, ແຂວງ ບັກກ້ານ ຕ້ອງວາງແຜນເພື່ອໃຫ້ເສດຖະກິດປ່າກາຍເປັນຂະແໜງຈຸດສຸມຢ່າງແທດຈິງ, ແມ່ນບ່ອນອີງເພື່ອໃຫ້ປະຊາຊົນເຂດພູດອຍອຸ່ນອ່ຽນໃຈດຳລົງຊີວິດ, ທຳມາຫາກິນ. ທ່ານປະທານປະເທດ ສະເໜີໃຫ້ແຂວງ ບັກກ້ານ ຄວນຍາດແຍ່ງທຸກໆແຫຼ່ງກຳລັງສັງຄົມ, ເພື່ອໃຫ້ໃນອະນາຄົດອັນໃກ້ໆ, ເມື່ອບັນດາເສັ້ນທາງຄົມມະນາຄົມເຊື່ອມຕໍ່, ຮັດແຄບຊ່ອງຫວ່າງລະຫວ່າງແຂວງ ບັກກ້ານ ແລະ ນະຄອນຫຼວງ. ກ່ຽວກັບໂຄງການກໍ່ສ້າງຊົນນະບົດໃໝ່, ທ່ານປະທານປະເທດ ເນັ້ນໜັກວ່າ: ດ້ວຍພົນລະເມືອງຢູ່ເຂດຊົນນະບົດບັນລຸ 70%, ຖ້າຫາກບັນລຸ ແລະ ລື່ນກາຍບັນດາມາດຖານທີ່ໄດ້ວາງອອກ, ຈະນຳມາເຊິ່ງຄວາມໝາຍທັງທາງດ້ານການເມືອງ ແລະ ເສດຖະກິດສັງຄົມ. ແຂວງ ບັກກ້ານກໍຕ້ອງເອົາໃຈໃສ່ເຖິງການຊຸກຍູ້ການກໍ່ສ້າງບັນດາເສັ້ນທາງຕົ້ນຕໍ, ເຊື່ອມຕໍ່ບັນດາເຂດເສດຖະກິດອ້ອມຂ້າງ, ສ້າງຄວາມສະດວກ, ໃຫ້ແກ່ການແລກປ່ຽນຄ້າຂາຍສິນຄ້າໃນແຂວງ.