ກ
ານນຳແຂວງ ບັກນີງ ມອບຂອງຂວັນທີ່ລະນຶກໃຫ້ທ່ານ Lee Huyk, ເອກອັກຄະລັດຖະທູດ ສ. ເກົາຫຼີ
(ພາບ: bacninh.gov.vn)
(vovworld) – ແຂວງ ບັກນີງໄດ້ສ້າງຕັ້ງໜ່ວຍປະຕິບັດງານໜູນຊ່ວຍວິສາຫະກິດເພື່ອຮັບ ແລະ ແກ້ໄຂບັນດາຂໍ້ສະເໜີ, ສະເໜີແນະຂອງວິສາຫະກິດຢ່າງເຖິງຖອງ, ສ້າງສະພາບແວດລ້ອມ, ເງື່ອນໄຂສະດວກທີ່ສຸດເພື່ອໃຫ້ປະຊາຄົມວິສາຫະກິດພັດທະນາ. ຂໍ້ມູນຂ່າວດັ່ງກ່າວໂດຍທ່ານປະທານຄະນະກຳມະການປະຊາຊົນແຂວງ ບັກນີງ ຫງວຽນຕື໋ກິ່ວງ ຍົກອອກມາໃນການເຮັດວຽກກັບທ່ານ Lee Huyk, ເອກອັກຄະລັດຖະທູດ ສ. ເກົາຫຼີ ປະຈຳ ຫວຽດນາມ ເມື່ອວັນທີ 8/7. ທ່ານ ຫງວຽນຕື໋ກິ່ວງ ຢັ້ງຢືນວ່າ: ດ້ວຍທິດນຳ “ຍາມໃດແຂວງ ບັກນີງ ກໍ່ຮ່ວມເດີນທາງພ້ອມກັບວິສາຫະກິດ, ຜົນງານຂອງວິສາຫະກິດກໍ່ແມ່ນຜົນງານຂອງແຂວງ”, ຍາມໃດແຂວງກໍ່ສ້າງເງື່ອນໄຂສະດວກທີ່ສຸດເພື່ອດຳເນີນທຸລະກິດມີຄວາມ, ສະເໝີຕົ້ນສະເໝີປາຍໃນນະໂຍບາຍດຶງດູດ, ໜູນຊ່ວຍການລົງທຶນ, ຮຽງບ່າຮຽງໄຫລ່ພ້ອມກັບວິສາຫະກິດ, ແມ່ນບ່ອນອີງທີ່ໜັກແໜ້ນດ້ານນິຕິກຳເພື່ອໃຫ້ວິສາຫະກິດລົງທຶນ, ຍົກສູງສະມັດຕະພາບ, ຄຸນນະພາບ, ປະສິດທິຜົນ ແລະ ກຳລັງແກ້ງແຍ້ງຢູ່ຕະຫຼາດພາຍໃນ ແລະ ສາກົນ. ກ່ຽວກັບການໜູນຊ່ວຍຍົກສູງຄຸນນະພາບແຫຼ່ງຊັບພະຍາກອນມະນຸດທີ່ມີສີມືດີຢູ່ບັງນີງ, ທ່ານປະທານຄະນະກຳມະການປະຊາຊົນແຂວງຫວັງວ່າຝ່າຍສະຖານທູດ ສ. ເກົາຫຼີ ປະຈ ຳຫວຽດນາມ ຮຽກຮ້ອງໃຫ້ບັນດາວິສາຫະກິດສືບຕໍ່ສ້າງເງື່ອນໄຂໃຫ້ນັກສຶກສາບັນດາໂຮງຮຽນວິຊາຊີບໃນບໍລິເວນແຂວງໄດ້ຮັບເຂົ້າເຝິກງານ, ຍົກສູງວິຊາຊີບຢູ່ວິສາຫະກິດຂອງ ສ ເກົາຫຼີ, ຕອບສະໜອງບັນດາຄວາມຮຽກຮ້ອງຕ້ອງການດ້ານຊັບພະຍາກອນມະນຸດໃຫ້ແກ່ບັນດາວິສາກິດໃຫຍ່ຂອງ ສ ເກົາຫຼີ ໃນໄລຍະຈະມາເຖິງ.