(vovworld) - ຕອນເຊົ້າວັນທີ 01/04, ຢູ່ຮ້າໂນ້ຍ, ຄະນະກຳມະການປະຊາຊົນແຂວງ ຟຸເຖາະ ແລະ ກະຊວງຖະແຫຼງຂ່າວ ແລະ ໂທລະຄົມ ໄດ້ຈັດກອງປະຊຸມຂ່າວກ່ຽວກັບບັນດາການເຄື່ອນໄຫວຂອງພິທີ ໄຫວ້ບູຊາເຈົ້າຊີວິດຮຸ່ງ - ງານບຸນວິຫານຮຸ່ງ 2013. ພິທີໄຫວ້ບູຊາເຈົ້າຊີວິດຮຸ່ງ - ງານບຸນວິຫານຮຸ່ງ 2013 ຈະດຳເນີນໄປເປັນເວລາ 7 ວັນ (ແຕ່ວັນທີ 13 ຫາ 19/04). ຂັ້ນຕອນພິທີຖືກຈັດຕັ້ງຢ່າງເຄັ່ງຂຶ້ມ, ມີລັກສະນະວົງຄະນະຍາດ, ຕິດພັນກັບບັນດາການເຄື່ອນໄຫວເຊີດຊູມໍລະດົກວັດທະນະທຳການເຫຼື້ອມໃສໄຫວ້ບູຊາ ເຈົ້າຊີວິດຮຸ່ງ. ສ່ວນຂັ້ນຕອນງານບຸນມີບັນດາການເຄື່ອນໄຫວທີ່ອຸດົມສົມບູນຄື; ງານບຸນຕັ້ງຄ້າຍວັດທະນະທຳ, ສະແດງສິລະປະ, ງານມະໂຫລານຂັບຊວານ ແລະ ເພງພື້ນເມືອງແຂວງຟຸເຖາະ ຄັ້ງທີ 3... ທ່ານ ຮ່າເກ໋ຊານ, ຮອງປະທານຄະນະກຳມະການປະຊາຊົນແຂວງຟຸເຖາະ , ຫົວໜ້າຄະນະຈັດຕັ້ງພິທີໄຫວ້ບູນຊາເຈົ້າຊີວິດຮຸ່ງ - ງານບຸນວິຫານຮຸ່ງ 2013, ໃຫ້ຮູ້ວ່າ.
“ຈຸດໃໝ່ຂອງວິຫານຮຸ່ງປີ 2013 ແມ່ນ, ຍ້ອນພວກເຮົາຈັດຕັ້ງການຮັບເອົາການເຊີດຊູການເຫຼື້ອມໃສໄຫວ້ບູຊາເຈົ້າຊີວິດ ຮຸ່ງ ແມ່ນມໍລະດົກທີ່ບໍ່ມີຮູບຮ່າງຂອງມວນມະນຸດ ເພາະສະນັ້ນ, ພວກເຮົາໄດ້ຈັດຕັ້ງພິທີຮັບໃບຢັ້ງຢືນ ແລະ ໄຂງານບຸນວິຫານຮຸ່ງ. ທີ່ 2 ແມ່ນຈັດຕັ້ງງານບຸນຕາມຖະໜົນ. ທີ່ 3 ແມ່ນ ພວກຂ້າພະເຈົ້າໄດ້ເຊີນ 8 ແຂວງຢູ່ທາງພາກເໜືອ, ພາກກາງ, ພາກໃຕ້ ພ້ອມກັບຟຸເຖາະ ກັບເມື່ອແຂວງຟຸກເຖາະ ເພື່ອຈັດຕັ້ງພິທີໄຫວ້ບູຊາເຈົ້າຊີວິດຮຸ່ງຢູ່ແຂວງ ຟຸເຖາະ.”