(vovworld) - ສະຫະສະມາຄົມວິສາຫະກິດແຂວງອານຢາງ ຫາກໍມີການເຮັດວຽກກັບຄະນະຜູ້ແທນລັດຖະບານລາວ ໂດຍທ່ານ ສີສົມພອນ ເພັດດາວເຮືອງ, ຜູ້ອຳນວຍການການພົວພັນສາກົນເອີລົບ - ອາເມລິກາ, ກົມຮ່ວມມືສາກົນ, ກະຊວງແຜນການ ແລະ ການລົງທຶນລາວ ນຳໜ້າ ແລະ ອົງການຮ່ວມມືສາກົນເຢຍລະມັນ ທີ່ພວມທຳການຢ້ຽມຢາມ ແລະ ເຮັດວຽກຢູ່ແຂວງອານຢາງ. ສອງຝ່າຍໄດ້ສຸມໃສ່ແລກປ່ຽນກ່ຽວກັບ ການໂອ້ລົມສົນທະນາພາກລັດ ແລະ ເອກກະຊົນ, ບົດບາດຂອງສະຫະສະມາຄົມວິສາຫະກິດ ແລະ ບັນດາບົດຮຽນອັນລ້ຳຄ່າ, ພິເສດແມ່ນໜູນຊ່ວຍໃຫ້ແກ່ວິສາຫະກິດສອງຝ່າຍສຳພັດ, ຊອກຫາກາລະໂອກາດດຳເນີນທຸລະກິດ, ເປີດກວ້າງຕະຫຼາດສົ່ງອອກ, ຊອກຫາຕະຫຼາດສົ່ງອອກ, ນຳເຂົ້າລະຫວ່າງສອງປະເທດ. ແຕ່ວັນທີ 12/9 ມາຮອດປະຈຸບັນ ໄດ້ມີຄະນະຜູ້ແທນຂັ້ນສູງຂອງປະເທດລາວ ຫຼາຍຄະນະມາຢ້ຽມຢາມ, ເຮັດວຽກກັບການນຳ ແລະ ບັນດາຂັ້ນ, ຂະແໜງການຂອງແຂວງອານຢາງ ເພື່ອຊອກຮູ້, ແລກປ່ຽນບັນດາເນື້ອໃນ; ສົ່ງເສີມການລົງທຶນໃນຂົງເຂດການຄ້າ, ທ່ອງທ່ຽວ; ຍຸດທະສາດພັດທະນາດ້ານການຄ້າ, ອຸດສາຫະກຳ, ຍຸດທະສາດສົ່ງເສີມພັດທະນາເຄື່ອງຫັດຖະກຳ ແລະ ອຸດສາຫະກຳຊົນນະບົດ.