ທ່ານນາຍົກລັດຖະມົນຕີ ຫງວຽນເຕີ໋ນຢຸງ ເຮັດວຽກກັບ
ການນຳແຂວງ ຮ່າຕີງ (ພາບ:baohatinh.vn)
(vovworld) – ຂ້າພະເຈົ້າສະເໜີການນຳແຂວງ ຮ່າຕີງ ສືບຕໍ່ສຸມໃສ່ຊີ້ນຳນຳພາ ແລະ ປະຕິບັດບັນດາມາດຕະການຢ່າງເດັດດຽວ, ຄົບຊຸດ ເພື່ອແນໃສ່ບັນລຸ ແລະ ລື່ນກາຍ ບັນດາຈຸດໝາຍ, ຄາດໝາຍ, ໜ້າທີ່ພັດທະນາເສດຖະກິດ - ສັງຄົມຂອງປີນີ້
ແຂວງ ຮ່າຕີງ ໄດ້ສ້າງບາດກ້າວພັດທະນາບຸກທະລຸກ່ຽວກັບດ້ານເສດຖະກິດ. ນີ້ແມ່ນຂໍ້ສັງເກດຂອງທ່ານນາຍົກລັດຖະມົນຕີ ຫງວຽນເຕີ໋ນຢຸງ ທີ່ການເຮັດວຽກກັບການນຳຫຼັກແຫຼ່ງແຂວງ ຮ່າຕີງ ໃນຕອນບ່າຍວັນທີ 16/9. ທ່ານນາຍົກລັດຖະມົນຕີ ຫງວຽນເຕີ໋ນຢຸງ ຕີລາຄາສູງເລື່ອງແຂວງ ຮ່າຕີງ ໄດ້ສ້າງບາດ
ກ້າວພັດທະນາກະໂດດຂັ້ນ, ບຸກທະລຸກ່ຽວກັບດ້ານເສດຖະກິດ, ດຶງດູດທຶນໄດ້ 20 ຕື້ USD ; ບັນລຸລະດັບເຕີບໂຕສະເລ່ຍ 20% ຕໍ່ປີໃນ 5 ປີຜ່ານມາ...ກ່ຽວກັບໜ້າທີ່ຕໍ່ໃນສະເພາະໜ້າຂອງແຂວງ ຮ່າຕີງ, ທ່ານນາຍົກລັດຖະມົນຕີ ເນັ້ນໜັກວ່າ:
“ . ແຂວງເສີມຂະຫຍາຍຄວາມສຸດຈິດສຸດໃຈ, ປັນຍາທີ່ມີຫົວຄິດປະດິດສ້າງ, ສ້າງເອກະສານກອງປະຊຸມໃຫຍ່ອົງຄະນະພັກແຂວງຕິດພັນກັບແຜນການພັດທະນາໃນ 5 ປີຈະມາເຖິງ. ນຳແຂວງ ຮ່າຕີງ ພັດທະນາຢ່າງວ່ອງໄວ, ໝັ້ນຄົງ, ມີປະສິດທິຜົນ, ມີຄວາມສາມາດແກ່ງແຍ້ງສູງ ແລະ ມີສະພາບແວດລ້ອມແຫ່ງການລົງທຶນໃຫ້ດີກ່ວາ… ”
ທ່ານນາຍົກລັດຖະມົນຕີ ຫງວຽນເຕີ໋ນຢຸງ ກໍ່ໃສ່ໃຈແຂວງ ຮ່າຕີງ ເອົາໃຈໃສ່ເປັນພິເສດເຖິງການລົງທຶນພັດທະນາບັນດາຂົງເຂດຄື: ດ້ານສາທາລະນະສຸກ, ວັດທະນະທຳ, ສັງຄົມ ແລະ ປັບປຸງຊີວິດການເປັນຢູ່ຂອງປະຊາຊົນ, ຍູ້ແຮງການປະຕິຮູບດ້ານບໍລິຫານ, ປັບປຸງການປ້ອງກັນຊາດ, ປ້ອງກັນຄວາມສະຫງົບ, ເພີ່ມທະວີບັນດາມາດຕະການເພື່ອຮັບປະກັນຄວາມເປັນລະບຽບຮຽບຮ້ອຍ ຄວາມປອດໄພໃນສັງຄົມ.