(vovworld) – ໂດຍຖືກຜົນສະທ້ອນຂອງພະຍຸ ນາຣີ, ຊຸມມື້ຜ່ານມາ, ໃນບໍລິເວນ 2 ແຂວງພາກກາງແມ່ນ ຮ່າຕິ້ງ ແລະ ເງະອານໄດ້ເກີດຝົນຕົກໜັກ, ປະລິມານນ້ຳຝົນແຕ່ 200 – 300 ມມ. ປະລິມານນ້ຳຝົນໃນແມ່ນ້ຳແຫ່ງຕ່າງໆກໍ່ເພີ່ມຂຶ້ນຢ່າງວ່ອງໄວ. ອຳນາດການປົກຄອງ ແລະ ບັນດາຫົວໜ່ວຍທີ່ມີໜ້າທີ່ຮັບຜິດຊອບຂອງ 2 ທ້ອງຖີ່ນນີ້ພວມຜັນຂະຫຍາຍມາດຕະການຕ່າງໆເພື່ອຮັບມືກັບຝົນຕົກ, ນ້ຳຖ້ວມຢ່າງທັນການ.
ຢູ່ແຂວງ ຮ່າຕິ້ງ, ບັນດາເມືອງຄື: ເຮືອງເຊີນ, ເຮືອງເຄ, ຫວູກວາງ ຖືກນ້ຳຖ້ວນໜັກ. ພືດນັບພັນ ha ຖືກນ້ຳຖ້ວມ. ຢູ່ຫຼາຍບ່ອນລະບົບໄຟຟ້າຖືກເປເພ. ສາຍທາງຫຼວງ 8A ຖືກເສາະເຈື່ອນກໍ່ຄວາມຕິດຄັດທາງຄົມມະນາຄົມ. ນັບພັນຄອບຄົວຖືກຍົກຍ້າຍໄປບ່ອນທີ່ປອດພຢ່າງຮີບດ່ວນ. ທ່ານ ຫງວຽນວັນວຽດ, ຮອງປະທານຄະນະກຳມະການປະຊາຊົນເມືອງ ເຮືອງເຄ, ໃຫ້ຮູ້ວ່າ:
“ຄະນະຊີ້ນຳການປ້ອງກັນ, ຕ້ານພະຍຸ ນ້ຳຖ້ວມທຸກຂັ້ນຕ້ອງປະຈຳການເພື່ອຮັບມືກັບສະພາບຝົກຕົກໜັກ, ຈຳກັດຄວາມເສຍຫາຍໂດຍພະຍຸກໍ່ຂຶ້ນ, ພິເສດແມ່ນເອົາໃຈໃສ່ເຖິງລະບົບໜອງ, ເຂື່ອນນ້ຳຕົກ”
ຢູ່ແຂວງ ເງະອານ, ໃນ 2 ມື້ຜ່ານມາ, ກໍ່ໄດ້ເກີດສະພາບຝົນຕົກໜັກໃນບໍລິເວນກ້ວາງຂວາງ, ກໍ່ສະພາບນ້ຳຖ້ວມຢູ່ຫຼາຍທ້ອງຖີ່ນ, ຕົ້ນຕໍ່ແມ່ນບັນດາເມືອງທາງພາກໃຕ້ຂອງແຂວງ.