( vovworld ) – ໂດຍປະຕິບັດແຜນການສັງລວມວຽກງານປັກຫຼັກໝາຍຖີ່ ແລະ ບູລະນະລະບົບຫຼັກໝາຍຊາຍແດນແຫ່ງຊາດລະຫວ່າງຫວຽດນາມ-ລາວ, ມາຮອດປະຈຸບັນ, ໃນທົ່ວເຂດຊາຍແດນແຂວງເຊີນລາ(ຫວຽດນາມ)-ແຂວງຫົວພັນ-ຫຼວງພະບາງ (ລາວ) ໄດ້ທຳການສຳຫຼວດສອງຝ່າຍ ກຳນົດ 100 ຫຼັກໝາຍໃນຈຳນວນ 125 ຫຼັກໝາຍແຫ່ງຊາດ. ໃນນັ້ນໄດ້ປະຕິບັດສຳເລັດ 58 ຫຼັກໝາຍແລ້ວ. ແຂວງເຊີນລາ ສູຊົນສຳເລັດວຽກງານປັກຫຼັກໝາຍຖີ່ ແລະ ບູລະນະລະບົບຫຼັກໝາຍຊາຍແດນແຫ່ງຊາດລະຫວ່າງຫວຽດນາມ-ລາວ ໃນທ້າຍປີນີ້. ທ່ານ ເກີມວັນເຟືອງ ຫົວໜ້າພະແນກການພົວພັນຕ່າງປະເທດແຂວງເຊີນລາ ໃຫ້ຮູ້ວ່າ: “ສືບຕໍ່ປະຕິບັດວຽກງານໂຄສະນາກ່ຽວກັບວຽກງານປັກຫຼັກໝາຍຖີ່ ແລະ ບູນລະນະລະບົບຫຼັກໝາຍຊາຍແດນເຖິງພະນັກງານ ນັກຮົບ, ພິເສດແມ່ນປະຊາຊົນເຂດຊາຍແດນ. ທີ 2 ແມ່ນຍາດແຍ່ງການຊ່ວຍເຫຼືອ, ນະແນຳດ້ານວິຊາສະເພາະ ແລະ ສ້າງເງື່ອນໄຂອຳນວຍຄວາມສະດວກຂອງກະຊວງການຕ່າງປະເທດ ແລະບັນດາຄະນະຂະແໜງການທີ່ກ່ຽວຂ້ອງ“