(ທ່ານຫວູວັນນິງມອບຂໍ້ຕົກລົງຂອງນາຍົກລັດຖະມົນຕີ ຢັ້ງ
ຢືນເທດສະບານ ຫງາ້ໄບບັນລຸມາດຖານຊົນນະບົດໃໝ່)
(vovworld) – ຕອນຄ່ຳວັນທີ 12/10, ທ່ານຮອງນາຍົກລັດຖະມົນຕີ ຫວູວັນນິງ, ຫົວໜ້າຄະນະຊີ້ນຳໂຄງການເປົ້າໝາຍແຫ່ງຊາດກໍ່ສ້າງຊົນນະບົດໃໝ່, ມອບຂໍ້ຕົກລົງຂອງນາຍົກລັດຖະມົນຕີ ຢັ້ງຢືນເທດສະບານ ຫງາ້ໄບ, ແຂວງ ເຮົ້າຢາງບັນລຸມາດຖານຊົນນະບົດໃໝ່.ນີ້ແມ່ນຫົວໜ່ວຍຂັ້ນເມືອງທຳອິດຂອງແຂວງ ເຮົ້າຢາງ ແລະ ກໍແມ່ນຫົວໜ່ວຍຂັ້ນເມືອງທຳອິດຢູ່ເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ ໄດ້ຮັບການຢັ້ງຢືນບັນລຸມາດຖານຊົນນະບົດໃໝ່. ກ່າວຄຳເຫັນນະທີ່ນີ້, ທ່ານຮອງນາຍົກລັດຖະມົນຕີ ຫວູວັນນິງ ເນັ້ນໜັກວ່າ: ແຂວງ ເຮົ້າຢາງ ເວົ້າລວມ ແລະ ເທດສະບານ ຫງາ້ໄບ ເວົ້າສະເພາະ, ຕ້ອງເສີມຂະຫຍາຍໝາກຜົນທີ່ບັນລຸໄດ້ ພ້ອມກັນນັ້ນ ຍູ້ແຮງການສ້າງໂຄງປະກອບກະສິກຳຄືນໃໝ່ຕິດພັນກັບການກໍ່ສ້າງຊົນນະບົດໃໝ່ໃຫ້ໝັ້ນຄົງ ບົນພື້ນຖານສຸມໃສ່ບັນດາຜະລິດຕະພັນມີຄວາມສາມາດບົ່ມຊ້ອນ ແລະ ທ່າແຮງ, ສົ່ງເສີມການໜູນໃຊ້ວິທະຍາສາດເຕັກໂນໂລຢີເຂົ້າໃນການຜະລິດ. ທ່ານຮອງນາຍົກລັດຖະມົນຕີ ຫວູວັນນິງ ເນັ້ນໜັກວ່າ:
“ດ້ວຍບັນດາຈຸດພິເສດສະເພາະຕ່າງຂອງຕົນ, ເຮົ້າຢາງຕ້ອງສືບຕໍ່ນຳໃຊ້ກົນໄກ, ນະໂຍບາຍລວມ ແລະ ເງື່ອນໄຂລະອຽດຂອງທ້ອງຖິ່ນ, ມີແຜນການກໍ່ສ້າງຊົນນະບົດໃໝ່ເໝາະສົມກັບຄວາມສາມາດປະກອບສ່ວນຂອງປະຊາຊົນ. ພ້ອມກັບການສູ້ຊົນໃຫ້ສຳເລັດບັນດາຄາດໝາຍຍັງບໍ່ທັນບັນລຸໄດ້, ຕ້ອງເອົາໃຈໃສ່ເປັນພິເສດເຖິງການຮັກສາ ແລະ ຍົກສູງຄຸນນະພາບສຳລັບບັນດາຄາດໝາຍໄດ້ມາດຕະຖານໃນໄລຍະຕໍ່ໄປ”.