(vovworld) - ໃນຊຸມວັນຕົ້ນປີໃໝ່, ກຳປັ່ນນັບຮ້ອຍລຳຂອງຊາວປະມົງບັນດາແຂວງ ຕອນໄຕ້ພາກກາງ ໄດ້ເລີ່ມເຄື່ອນໄຫວ, ເປີດສາກໃຫ້ລະດູຂຸດຄົ້ນຫາປາໃນເຂດທະເລ ເຈືອງຊາ, ແຂວງ ແຄ໋ງຮ່ວາ.
ຊາວປະມົງຢູ່ທີ່ນີ້ໄດ້ກະກຽມເຄື່ອງຂອງຢ່າງພຽງພໍໃຫ້ການເດີນເຮືອຫາປາເປັນເວລາແຕ່ 20 – 30 ວັນ. ຕາມທ່ານ ຟານທ້ວນ, ປະທານສະມາຄົມອາຊີບການປະມົງຕາແສງ 6, ນະຄອນຕຸຍຮ່ວາ, ແຂວງ ຟູ໋ອຽນ ໃຫ້ຮູ້ວ່າ: ແຕ່ວັນທີ 6/1, ຊາວປະມົງບັນດາແຂວງຕ້ອນໄຕ້ພາກກາງໄດ້ເລີ່ມເຄື່ອນໄຫວຂຸດຄົ້ນສິນທະເລຢູ່ເຂດທະເລເຈື່ອງຊາ. ມາຮອດປະຈຸບັນ, ມີກຳປັ່ນເກືອບ 300 ລຳຂອງຊາວປະມົງຢູ່ 2 ແຂວງ ແຄ໋ງຮ່ວາ, ຟູ໋ອຽນໄດ້ເດີນທະເລໄປຫາສິນທະເລຢູ່ເຂດທະເລໝູ່ເກາະເຈື່ອງຊາ, ແຂວງ ແຄ໋ງຮ່ວາ.
“ຄວາມຫວັງຂອງພໍ່ແມ່ປະຊາຊົນແມ່ນຫາສິນທະເລດ້ວຍປະລິມານຫຼາຍ, ລາຄາປາກໍ່ສູງຂຶ້ນ. ພໍ່ແມ່ປະຊາຊົນທັງຫາປາ ທັງຮ່ວມສຳພັນເຂົ້າກັນເປັນຈຸເປັນກອງນຳກັນເພື່ອປົກປັກຮັກສາອະທິປະໄຕເຂດທະເລໝູ່ເກາະຂອງ ຫວຽດນາມ.”