ແຄ໋ງຮ່ວາຄວນໃຫ້ບຸລິມະສິດພັດທະນາການທ່ອງທ່ຽວກາຍເປັນຂົງເຂດເສດຖະກິດທີ່ສຳຄັນ
ທ່ານນາຍົກລັດຖະມົນຕີຫງວຽນເຕິນຢຸ້ງ
ເຮັດວຽກກັບການນຳແຂວງແຄ໋ງຮ່ວາ
(ພາບ: Đức Tám - TTXVN)
(vovworld) - ໂດຍສືບຕໍ່ການປະຕິບັດວຽກງານຢູ່ເຂດແຄມທະເລຕອນໃຕ້ພາກກາງຂອງຫວຽດນາມ, ວັນທີ 14/4, ທ່ານນາຍົກລັດຖະມົນຕີຫວຽດນາມ ຫງວຽນເຕິນຢຸ້ງ ໄດ້ລົງເຮັດວຽກກັບການນຳແຂວງແຄ໋ງຮ່ວາ ກ່ຽວກັບໝາກຜົນການພັດທະນາເສດຖະກິດສັງຄົມ ແລະ ການປ້ອງກັນ, ຕ້ານໄພແຫ້ງແລ້ງ, ສະພາບນ້ຳເຄັມຊຶມເຂົ້າໃນບໍລິເວນ.
ກ່າວຄຳເຫັນທີ່ການເຮັດວຽກ, ທ່ານນາຍົກລັດຖະມົນຕີຫວຽດນາມ ຫງວຽນເຕິນຢຸ້ງ ເນັ້ນໜັກວ່າ: ສູນກາງສະໜັບສະໜູນ ແລະ ພ້ອມແລ້ວທີ່ຈະສົມທົບກັບແຂວງ ແຄ໋ງຮ່ວາ ໃນການພັດທະນາທ່ອງທ່ຽວຄື: ການກໍ່ສ້າງ, ການຄົ້ນຄ້ວາບັນດາຮູບແບບທ່ອງທ່ຽວໃໝ່ທີ່ມີປະສິດທິຜົນດ້ານເສດຖະກິດສູງ. ທ່ານນາຍົກລັດຖະມົນຕີ ຮຽກຮ້ອງໃຫ້ແຂວງ ແຄ໋ງຮ່ວາ ເສີມຂະຫຍາຍຄວາມສາມາດບົ່ມຊ້ອນ, ທ່າໄດ້ປຽບຂອງທ້ອງຖິ່ນຢ່າງສູງສຸດ ເພື່ອພັດທະນາ ແລະ ຍົກສູງຊີວິດການເປັນຢູ່ຂອງປະຊາຊົນ, ພິເສດແມ່ນທ່າໄດ້ປຽບດ້ານທ່ອງທ່ຽວ, ການບໍລິການ,ລ້ຽງປູກ ແລະ ປຸງແຕ່ງສິນໃນນ້ຳ; ພັດທະນາການລ້ຽງສັດ, ບັນດາຕົ້ນໄມ້ກະສິກຳທີ່ແທດເໝາະກັບເງື່ອນໄຂດິນຟ້າອາກາດ ແລະ ທີ່ດິນ. ທ່ານນາຍົກລັດຖະມົນຕີ ກໍ່ຕັກເຕື່ອນວ່າ: ແຂວງ ແຄ໋ງຮ່ວາ ຄວນປະຕິບັດການຫັນປ່ຽນໂຄງປະກອບກະສິກຳຕິດພັນກັບການກໍ່ສ້າງຊົນນະບົດໃໝ່; ຂຸດຄົ້ນເສີມຂະຫຍາຍຄວາມສາມາດບົ່ມຊ້ອນເນື້ອທີ່ດິນປ່າທີ່ກ້ວາງໃຫຍ່; ພັດທະນາອຸດສາຫະກຳປຸງແຕ່ງ ເພື່ອຮັບໃຊ້ການທ່ອງທ່ຽວ ແລະ ການສົ່ງອອກ. ພ້ອມກັນນັ້ນ, ລະດົມແຫຼ່ງກຳລັງການລົງທຶນໂຄງປະກອບພື້ນຖານໂຄງລ່າງເສດຖະກິດ-ສັງຄົມ, ພິເສດແມ່ນຍົກລະດັບສະໜາມບິນ ກາມແຣງ; ເອົາໃຈໃສ່ພິເສດເຖິງການຍົກສູງກຳລັງແກ່ງແຍ້ງຂອງທ້ອງຖິ່ນ; ພ້ອມທັງປະຕິບັດວຽກງານຮັກສາສະພາບແວດລ້ອມຊີວະພາບເປັນຢ່າງດີ.