ແຄ໋ງຮ່ວາຈັດງານວາງສະແດງເຄື່ອນທີ່“ຮ່ວາງຊາ,ເຈື່ອງຊາຂອງຫວຽດນາມ”
(ພາບປະກອບ)
(vovworld) - ແຂວງແຄ໋ງຮ່ວາ ຈະຈັດຕັ້ງງານວາງສະແດງເຄື່ອນທີ່ ແຜນທີ່ ແລະ ເອກະສານ “ຮ່ວາງຊາ, ເຈື່ອງຊາ ຂອງ ຫວຽດນາມ” ຢູ່ທຸກເມືອງ, ເທດສະບານໃນບໍລິເວນແຂວງໃນໄລຍະ 2017 – 2020. ງານວາງສະແດງແມ່ນເພື່ອໂຄສະນາ, ຢັ້ງຢືນອະທິປະໄຕຂອງຫວຽດນາມ ສຳລັບ 2 ໝູ່ເກາະຮ່ວາງຊາ ແລະ ເຈືອງຊາ ເຖິງປະຊາຊາດໃນແຂວງ ແລະ ນັກທ່ອງທ່ຽວມາຢ້ຽມຢາມແຂວງແຄ໋ງຮ່ວາ, ປະກອບສ່ວນປະຕິເສດຄຳຖະແຫຼງໄຮ້ເຫດຜົນຂອງຈີນ ສຳລັບ 2 ໝູ່ເກາະຮ່ວາງຊາ ແລະ ເຈື່ອງຊາ. ຜ່ານບັນດາວັດຖຸພັນ, ແຂກມາຊົມຈະເຫັນໄດ້ລັດຫວຽດນາມ ແຕ່ສະໄໝສັກດີນາ ເຖິງໄລຍະສັງຄົມນິຍົມໃນປະຈຸບັນ ທີ່ຂຸດຄົ້ນ, ຢັ້ງຢຶນ, ປະຕິບັດ ແລະ ປົກປັກຮັກສາອະທິປະໄຕແຫ່ງຊາດສຳລັບ 2 ໝູ່ເກາະຮ່ວາງຊາ ແລະ ເຈື່ອງຊາ ແລະ ບັນດາເຂດທະເລ, ເກາະອື່ນຂຶ້ນກັບອະທິປະໄຕຂອງຫວຽດນາມ. ພິເສດ, ບັດກາເອກະສານ, ແຜນທີ່ເຫຼົ່ານັ້ນ ໄດ້ຮຽບຮຽງ, ແຕ້ມ ແລະ ພິມຈຳໜ່າຍແຕ່ສະຕະວັດທີ 14 ມາຮອດປະຈຸບັນ ຢູ່ຫວຽດນາມ ແລະ ຢູ່ຫຼາຍປະເທດໃນໂລກ.