(vovworld) - ວັນທີ 4/11, ນາຍົກລັດຖະມົນຕີສາທາລະນະລັດປະຊາຊົນ ບັງກະລາເທດ, ທ່ານນາງ Sheikh Hasina ໄດ້ສິ້ນສຸດການຢ້ຽມຢາມ ສສ ຫວຽດນາມ ຢ່າງເປັນທາງການ ໃນລະຫວ່າງວັນທີ 2 – 4/11/2012. ສິ້ນສຸດການຢ້ຽມຢາມ ຫວຽດນາມ ແລະ ບັງກະລາເທດ ໄດ້ອອກແຈ້ງການຮ່ວມ. ເຊິ່ງຕາມນັ້ນແລ້ວ, ການນຳສອງທ່ານໄດ້ເຫັນດີເພີ່ມທະວີການຮ່ວມມືດ້ານການເມືອງ, ປ້ອງກັນຊາດ ປ້ອງກັນຄວາມສະຫງົບ, ເສດຖະກິດ, ການຄ້າ ແລະ ການລົງທຶນ, ຖະແຫຼງຂ່າວ - ສື່ສານ ແລະ ກະສິກຳໃຫ້ດີຍິ່ງກວ່າອີກ. ສອງຝ່າຍໄດ້ເຫັນດີຈັດຕັ້ງກອງປະຊຸມຄັ້ງທີ 2 ຄະນະກຳມະການປະສົມຫວຽດນາມ - ບັງກະລາເທດ ແລະ ການສຳຫຼວດດ້ານການເມືອງລະຫວ່າງກະຊວງການຕ່າງປະເທດຄັ້ງທີ 1 ເພື່ອກວດກາ ແລະ ວາງອອກທິດທາງຮ່ວມມືລະຫວ່າງສອງປະເທດໃນຊຸມປີຈະມາເຖິງໂດຍໄວ. ສອງຝ່າຍເຫັນດີຊຸກຍູ້ການຮ່ວມມືໃນຂົງເຂດປ້ອງກັນຊາດປ້ອງກັນຄວາມສະຫງົບຜ່ານການແລກປ່ຽນຄະນະຜູ້ແທນໃນທຸກຂັ້ນ, ແລກປ່ຽນບົດຮຽນທີ່ເຂົ້າຮ່ວມບັນດາການເຄື່ອນໄຫວຮັກສາສັນຕິພາບຂອງສະຫະປະຊາຊາດ ແລະ ຮ່ວມມືປ້ອງກັນຕ້ານອາດຊະຍາກຳຂ້າມຊາດ ແລະ ການຄ້າມະນຸດ.