ວາລະປະຊຸມຄັ້ງທີ 10 ຄະນະປະຈຳສະພາແຫ່ງຊາດ
( ພາບ: baohaiquan.vn )
(vovworld) - ວັນທີ 22/8, ຄະນະປະຈຳສະພາແຫ່ງຊາດຊຸດທີ 13 ໄດ້ອອກແຈ້ງຂ່າວໂດຍໃຫ້ຮູ້ວ່າ ວາລະປະຊຸມທີ 13 ຂອງຄະນະປະຈຳສະພາແຫ່ງຊາດ ໄດ້ດຳເນີນໄປລະຫວ່າງວັນທີ 13 – 22/8/2012 ຢູ່ທີ່ຮ່າໂນ້ຍ. ທີ່ວາລະປະຊຸມນີ້, ຄະນະປະຈຳສະພາແຫ່ງຊາດໄດ້ປຶກສາຫາລື, ໃຫ້ຄຳຄິດຄຳເຫັນໃຫ້ຮ່າງກົດໝາຍ 5 ສະບັບທີ່ຍືນສະເໜີສະພາແຫ່ງຊາດພິຈາລະນາ, ຮັບຮອງເອົາຢູ່ທີ່ກອງປະຊຸມຄັ້ງທີ 4, ສະພາແຫ່ງຊາດຊຸດທີ 13ນັ້ນແມ່ນ; ກົດໝາຍວ່າດ້ວຍການສະສົມແຫ່ງຊາດ, ກົດໝາຍວ່າດ້ວຍນະຄອງຫຼວງ, ກົດໝາຍວ່າດ້ວຍສະຫະກອນ (ສະບັບປັບປຸງ); ກົດໝາຍສະບັບປັບປຸງ, ເພີ່ມເຕີມບາງຂໍ້ມາດຕາຂອງກົດໝາຍວ່າດ້ວຍໄຟຟ້າ; ກົດໝາຍສະບັບປັບປຸງ, ເພີ່ມເຕີມບາງຂໍ້ມາດຕາຂອງກົດໝາຍວ່າດ້ວຍທະນາຍຄວາມ; ກົດໝາຍສະບັບປັບປຸງ, ເພີ່ມເຕີມບາງຂໍ້ມາດຕາຂອງກົດໝາຍວ່າດ້ວຍການຄຸ້ມຄອງພາສີອາກອນ. ຄະນະປະຈຳສະພາແຫ່ງຊາດໄດ້ສະເໜີອົງການເຈົ້າພາບກວດກາສົມທົບກັບບັນດາອົງການ, ອົງການຈັດຕັ້ງ ແລະ ອົງການທີ່ກ່ຽວຂ້ອງຢ່າງແໜ້ນແຟ້ນ ເພື່ອສືບຕໍ່ປັບປຸງບັນດາບົດລາຍງານຮັບຮອງ, ດັດປັບ ແລະ ຮ່າງຂອງກົດໝາຍເຫຼົ່ານັ້ນຖຶກສົ່ງເຖິງສະມາຊິກສະພາແຫ່ງຊາດ ຕາມຂໍ້ກຳນົດ. ຄະນະປະຈຳສະພາແຫ່ງຊາດ ກໍປະກອບຄຳເຫັນໃຫ້ຮ່າງກົດໝາຍ 4 ສະບັບທີ່ຍື່ນສະພາແຫ່ງຊາດໃຫ້ຄຳຄິດຄຳເຫັນເປັນຄັ້ງທຳອິດຢູ່ທີ່ສະໄໝປະຊຸມຄັ້ງທີ 4 ນັ້ນແມ່ນຮ່າງກົດໝາຍວ່າດ້ວຍໄກເກ່ຍຂັ້ນຮາກຖານ; ຮ່າງກົດໝາຍວ່າດ້ວຍການປ້ອງກັນ, ຕ້ານ ແລະ ຫຼຸດຜ່ອນໄພທຳມາຊາດ, ຮ່າງກົດໝາຍວ່າດ້ວຍກົດໝາຍວ່າດ້ວຍການປ້ອງກັນ, ຕ້ານກໍ່ການຮ້າຍ; ຮ່າງກົດໝາຍວ່າດ້ວຍການສຶກສາປ້ອງກັນຊາດ - ປ້ອງກັນຄວາມສະຫງົບ. ຄະນະປະຈຳສະພາແຫ່ງຊາດໄດ້ໃຫ້ຄຳຄິດຄຳເຫັນກ່ຽວກັບບົດລາຍງານຕິດຕາມກວດກາການປະຕິບັດນະໂຍບາຍ, ກົດໝາຍກ່ຽວກັບການຄຸ້ມຄອງ, ຂຸດຄົ້ນແຮ່ທາດ ຕິດພັນກັບການປົກປັກຮັກສາສິ່ງແວດລ້ອມ. ທີ່ວາລະປະຊຸມຄະນະປະຈຳສະພາແຫ່ງຊາດ ໄດ້ຈັດວາລະຊັກຖາມ ແລະ ຕອບຄຳຊັກຖາມຂອງສະມາຊິກສະພາແຫ່ງຊາດສຳລັບລັດຖະມົນຕີ ແລະ ຫົວໜ້າຂະແໜງ 3 ທ່ານເຊິ່ງລວມມີ; ລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມ; ຜູ້ວ່າການທະນາຄານແຫ່ງລັດຫວຽດນາມ ແລະ ຫົວໜ້າອົງການກວດກາລັດຖະບານ. ສິ້ນສຸດວາລະປະຊຸມຄັ້ງທີ 10 ແລະ ສິ້ນສຸດວາລະຊັກຖາມຂອງຄະນະປະຈຳສະພາແຫ່ງຊາດ, ທ່ານປະທານສະພາແຫ່ງຊາດໄດ້ມີຂໍ້ສະຫຼຸບກ່ຽວກັບບາງເນື້ອໃນ, ໃນນັ້ນສຸມໃສ່ມອບໜ້າທີ່ໃຫ້ລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສົງຄົມຜູ້ວ່າການທະນາຄານແຫ່ງລັດຫວຽດນາມ ແລະ ຫົວໜ້າອົງການກວດກາລັດຖະບານຫວຽດນາມ ຕັ້ງໜ້າແກ້ໄຂບັນດາບັນຫາທີ່ຜູ້ມີສິດເລືອກຕັ້ງເອົາໃຈໃສ່.