(vovworld) - ກອງບັນຊາການທະຫານປ້ອງກັນຊາຍແດນແຂວງແທງຮ໋ວາ ແລະ ກອງບັນຊາການປ້ອງກັນຄວາມສະຫງົບແຂວງຫົວພັນ ຫາກໍ່ລົງນາມໃນບົດບັນທຶກຊ່ວຍຈຳກ່ຽວກັບການສົມທົບກັນຄຸ້ມຄອງ, ປົກປັກຮັກສາເສັ້ນຊາຍແດນແຫ່ງຊາດລະຫວ່າງສອງແຂວງ. ຕາມບົດບັນທຶກຊ່ວຍຈຳ. ໃນໄລຍະຈະມາເຖິງ, ສອງອົງການຄຸ້ມຄອງເສັ້ນຊາຍແດນລະຫວ່າງສອງປະເທດສືບຕໍ່ຍູ້ແຮງວຽກງານໂຄສະນາ, ສຶກສາພະນັກງານ, ປະຊາຊົນຫວຽດນາມ - ລາວ ຢູ່ເຂດຊາຍແດນ, ປະຕິບັດສັນຍາກ່ຽວກັບກົດລະບຽບເສັ້ນຊາຍແດນ ກໍ່ຄືບັນດາຂໍ້ຕົກລົງຮ່ວມມື ເຊິ່ງທັງສອງພັກ, ສອງລັດໄດ້ລົງນາມນຳກັນຢ່າງເຂັ້ມງວດ. ສືບຕໍ່ສົມທົບກັນລາດຕະເວັນ, ປົກປັກຮັກສາເສັ້ນຊາຍແດນ, ຫຼັກໝາຍຊາຍແດນ, ພິເສດແມ່ນຢູ່ເຂດດ່ານຊາຍແດນ. ພ້ອມທັງແລກປ່ຽນສະພາບການເປັນປະຈຳ, ເພີ່ມທະວີການຕໍ່ສູ້ສະກັດກັ້ນການເຄື່ອນໄຫວຂອງບັນດາເປົ້າໝາຍທີ່ແກ່ດຶງເຜົ່າມົ້ງຫວຽດນາມ ເຄື່ອນໄຫວຕ້ານທຳລາຍການປະຕິວັດລາວ, ອາດສະຍາກຳການຄ້າມະມຸດ, ຊື້ຂາຍ, ຂົນສົ່ງຢາເສບຕິດ, ອາວຸດ, ເງິນປອມຂ້າມຊາຍແດນ… ພ້ອມທັງເປັນເສນາທິການໃຫ້ຄະນະຊີ້ນຳຂີດເສັ້ນຊາຍແດນ, ປັກຫຼັກໝາຍຊາຍແດນຢູ່ 2 ແຂວງນີ້ຍູ້ໄວຄວາມຄືບໜ້າໃນການປັກຫຼັກໝາຍຊາຍແດນຕາມແຜນການທີ່ໄດ້ວາງອອກ, ສູ້ຊົນເພື່ອປັກຫຼັກໝາຍຊາຍແດນຢູ່ທ້ອງຖີ່ນໃຫ້ສຳເລັດໃນປີ 2012; ປະຕິບັດການປັກຫຼັກໝາຍຖີ່ ແລະ ບຸລະນະລະບົບຫຼັກໝາຍຊາຍແດນຫວຽດນາມ - ລາວ.