( vovworld ) - ຕອນເຊົ້າວັນທີ 4/6, ຢູ່ຮ່າໂນ້ຍ, ຄະນະກຳມະການສູນກາງແນວໂຮມປະເທດຊາດຫວຽດນາມ ໄດ້ຈັດງານໂຮມຊຸມນຸນສະເຫຼີມສະຫຼອງວັນສິ່ງແວດລ້ອມໂລກ ( 5/6 ). ດ້ວຍຫົວຂໍ້ວ່າ “ ເສດຖະກິດຂຽວ, ຍ້ອນມີບົດບາດຂອງທ່ານ ”, ບັນດາການເຄື່ອນໄຫວສະເຫຼີມສະຫຼອງວັນສິ່ງແວດລ້ອມໂລກປີ 2012 ນີ້ ໄດ້ເນັ້ນໜັກເຖິງບົດບາດສຳຄັນຂອງແຕ່ລະບຸກຄົນເພື່ອປະກອບສ່ວນໃຫ້ແກ່ຜົນສຳເລັດຂອງພື້ນຖານເສດຖະກິດຂຽວ, ມຸ້ງໄປເຖິງການນຳໃຊ້ບັນດາພະລັງງານຜະລິດຄືນໃໝ່, ເຊື້ອເພີງສະອາດ, ຫຼຸດຜ່ອນມົນລະພິດ ແລະ ພັດທະນາຢ່າງໝັ້ນຄົງ. ກ່າວຄຳເຫັນທີ່ພິທີ, ທ່ານຮອງປະທານຄະນະກຳມະການສູນກາງແນວໂຮມປະເທດຊາດຫວຽດນາມ Le Ba Trinh ໄດ້ຖືວ່າ.
“ ເສດຖະກິດຂຽວແມ່ນພື້ນຖານເສດຖະກິດ ໂດຍຖືເອົາມະນຸດເປັນຈຸດໃຈກາງ. ຊຸກຍູ້ເສດຖະກິດຂຽວ ແລະ ປະຕິຮູບການຄຸ້ມຄອງສິ່ງແວດລ້ອມແມ່ນ 2 ປັດໃຈທີ່ເປັນພື້ນຖານຮັບປະກັນຄວາມໝັ້ນຄົງຂອງແຕ່ລະປະເທດເວົ້າສະເພາະ ແລະ ທົ່ວໂລກເວົ້າລວມ. ພວກເຮົາມີໜ້າຢູ່ນີ້ເພື່ອສະແດງຄວາມເຫັນດີເຫັນພ້ອມ, ຕອບສະໜອງໂຄງການເຄື່ອນໄຫວຂອງສະຫະປະຊາຊາດ ແລະ ຂອງປະເທດຊາດກ່ຽວກັບການປົກປັກຮັກສາສິ່ງແວດລ້ອມ. ພ້ອມກັນມີການກະທຳຢ່າງລະອຽດ, ແທດຈິງ ປະຕິບັດການສ້າງພື້ນຖານເສດຖະກິດຂຽວຂອງປະເທດຊາດ ແລະ ຂອງທົ່ວໂລກ ”.