(vovworld) – ບົດລາຍງານການເມືອງຂອງຄະນະກຳມະການສູນກາງແນວໂຮມປະເທດຊາດຫວຽດນາມ ຊຸດທີ 7 ຍື່ນສະເໜີຕໍ່ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 8 ຂອງແນວໂຮມປະເທດຊາດ ລວມມີ 5 ໂຄງການດຳເນີນງານ. ໃນນັ້ນບັ້ນຂົນຂວາຍ, ເຕົ້າໂຮມປະຊາຊົນທຸກຊັ້ນວັນນະ, ປັບປຸງ ແລະ ເສີມຂະຫຍາຍກຳລັງແຮງສາມັກຄີທົ່ວປວງຊົນທັງຊາດແມ່ນໂຄງການເຄື່ອນໄຫວທຳອິດ. ລະອຽດແມ່ນ, ແນມໂຮມປະເທດຊາດ ຈະສຸມໃສ່ຍູ້ແຮງການໂຄສະນາກ່ຽວກັບແຜນນະໂຍບາຍ, ນະໂຍບາຍຂອງພັກ ແລະ ລັດ, ກ່ຽວກັບການຕິດຕາມກວດກາ ແລະ ສັງເກດຕີລາຄາສັງຄົມ, ຮັບເອົາຄຳເຫັນ ແລະ ຂໍ້ລິເລີ່ມຂອງປະຊາຊົນ… ທ່ານ ເຈີ່ນຮ່ວາງເຫງັ້ຍ, ຜູ້ຕາງໜ້າຄະນະຜູ້ແທນນະຄອນໂຮ່ຈິມິນ ຖືວ່າ.
“ໃນຕະຫຼອດໄລຍະສ້າງສາ ແລະ ປົກປັກຮັກສາປະເທດຊາດ, ແນວໂຮມປະເທດຊາດຫວຽດນາມ ໄດ້ມີບັນດາການປະກອບສ່ວນ, ບັນລຸຜົນງານໃດໜຶ່ງ, ພິເສດແມ່ນການສ້າງກຸ່ມກ້ອມມະຫາສາມັກຄີທົ່ວປວງຊົນທັງຊາດ. ໃນເງື່ອນໄຂປະຈຸບັນ, ເພື່ອປະຕິບັດໄດ້ຈຸດໝາຍປະຊາຊົນຮັ່ງມີ, ປະເທດຊາດເຂັ້ມແຂງ ບົດບາດຂອງແນວໂຮມປະເທດຊາດ ຕ້ອງໄດ້ຮັບການຍົກສູງກວ່າອີກ. ແລະທີ່ກອງປະຊຸມໃຫຍ່ຄັ້ງນີ້, ພວກເຮົາໄດ້ເຫັນການຫັນບັນດາຂໍ້ກຳນົດໃນລັດຖະທຳມະນູນປີ 2013 ເປັນລະອຽດໃນກົດລະບຽບຂອງແນວໂຮມປະເທດຊາດເປັນລະອຽດ. ໜຶ່ງໃນບັນດາສິ່ງສຳຄັນທີ່ສຸດໃນປະຈຸບັນແມ່ນ, ແນວໂຮມປະເທດຊາດຫວຽດນາມ ຕ້ອງສ່ອງແສງເຖິງແນວຄິດຈິດໃຈຂອງປະຊາຊົນເພື່ອໃຫ້ພັກ, ລັດຖະບານມີນະໂຍບາຍທີ່ເໝາະສົມ, ເຕົ້າໂຮມບັນດາກຳລັງພ້ອມກັນສ້າງສາປະເທດຊາດ”.
ສ່ວນທ່ານ ຫງວຽນຕາຍເຟືອງ, ຊາວຫວຽດນາມ ອາໄສຢູ່ອາເມລິກາຖືວ່າ.
“ໃນປະຈຸບັນປະເທດຊາດພວມເຊື່ອມໂຍງເຂົ້າກັບໂລກ ແລະ ໃນການເຊື່ອມໂຍງນັ້ນບໍ່ອາດຂາດບົດບາດຂອງພໍ່ແມ່ປະຊາຊົນອາໄສຢູ່ຕ່າງປະເທດໄດ້. ພໍ່ແມ່ປະຊາຊົນອາໄສຢູ່ຕ່າງປະເທດ ມີເງື່ອນໄຂສະດວກແມ່ນດຳລົງຊີວິດຢູ່ຕ່າງປະເທດ ສະນັ້ນເຂົ້າໃຈໄດ້ປະເທດທີ່ຕົນຢູ່ອາໄສ, ສິ່ງດັ່ງກ່າວກໍ່ຈະເປັນຂົວຕໍ່ໃນການພົວພັນຕ່າງປະເທດປະຊາຊົນຂອງລັດຫວຽດນາມ. ພວກຂ້າພະເຈົ້າຈະພະຍາຍາມສົ່ງຂໍ້ມູນຂ່າວພາຍໃນປະເທດຢ່າງແທດຈິງເຖິງພໍ່ແມ່ປະຊາຊົນອາໄສຢູ່ຕ່າງປະເທດ, ຂົນຂວາຍພໍ່ແມ່ປະຊາຊົນອາໄສຢູ່ຕ່າງປະເທດ ພ້ອມກັນປະກອບສ່ວນປະຕິບັດໜ້າທີ່ດັ່ງກ່າວຂອງແນວໂຮມປະເທດຊາດ”