ແນະນຳ 7 ງານບຸນທີ່ເປັນມູນເຊື້ອຂອງປະຊາຊົນບັນດາເຜົ່າ
(ພາບປະກອບ)
(vovworld) - ການເຄື່ອນໄຫວທີ່ພົ້ນເດັ່ນໃນຂອບເຂດສັບປະດາ “ມະຫາສາມັກຄີບັນດາເຜົ່າ - ມໍລະດົກວັດທະນະທຳຫວຽດນາມ“ ທີ່ພວມດຳເນີນຢູ່ບ້ານວັດທະນະທຳ - ທ່ອງທ່ຽວບັນດາເຜົ່າຫວຽດນາມ ແມ່ນການວາດພາບໃຫ້ເຫັນ 7 ງານບຸນທີ່ເປັນມູນເຊື້ອຂອງປະຊາຊົນບັນດາເຜົ່າຢ່າງມີຊີວິດຊີວາ. ໃນນັ້ນມີງານບຸນພາວະນາຂໍໃຫ້ຝົນຕົກຂອງຊາວເຜົ່າຂະມຸ, ເມືອງເມື່ອງອ໋າງ, ແຂວງດ້ຽນບຽນ ແລະ ຊົນເຜົາຈຳ, ແຂວງບິ່ງດິ້ງ; ງານບຸນພາວະນາຂໍໃຫ້ລະດູການປູກຝັງໄດ້ຮັບຜົນດີ ຂອງຊົນເຜົ່າ ຕ່າໂອ້ຍ, ເມືອງອາເລື໋ອຍ, ແຂວງເທື່ອທຽນເຫວ໋; ງານດອງຂອງຊົນເຜົ່າຊ໋ານໄຈ, ແຂວງບັກຢາງ; ງານບຸນຕັ້ງເກົ້າຂອງຊົນເຜົ່າຜູ່ໄທ, ແຂວງດ້ຽນບຽນ; ງານບຸນບູຊາທະເລມີລອງ, ແຂວງຈ່າວິງ ແລະ ງານບຸນພາວະນາຝົນຕົກຕົ້ນລະດູການປູກຝັງຂອງຊົນເຜົ່າມົ້ງ, ແຂວງດັກລັກ… ທ່ານ ເລິມວັນຄາງ, ຮອງຫົວໜ້າຄະນະຮັບຜິດຊອບ ໝູ່ບ້ານວັດທະນະທຳ - ທ່ອງທ່ຽວບັນດາເຜົ່າຫວຽດນາມ, ຫົວໜ້າຄະນະຈັດຕັ້ງສັບປະດາ “ມະຫາສາມັກຄີບັນດາເຜົ່າ - ມໍລະດົກວັດທະນະທຳຫວຽດນາມ“, ໃຫ້ຮູ້ວ່າ:
“ຈຸດພົ້ນເດັ່ນ ແລະ ຫົວຂໍ້ສັງລວມຂອງບັນດາງານບຸນ ແມ່ນພາວະນາຂໍໃຫ້ດິນຟ້າອາກາດ, ເທວະດາຟ້າແຖນອຳນວຍຄວາມສະດວກໃຫ້ປະຊາຊົນບັນດາເຜົ່າມີຊີວິດອິ່ມໜຳສຳລານ, ມີຄວາມຜາສຸກ. ບັນດາງານບຸນນີ້ສະແດງໃຫ້ເຫັນຄວາມຮູ້ບຸນຄູນຕໍ່ເທວະດາຟ້າແຖນ ກໍ່ຄືຄວາມຮູ້ບຸນຄູນຕໍ່ພັກ, ການປະຕິວັດ“.