(vovworld) – “ເວທີປາໄສດຳເນີນທຸລະກິດ ແລະ ລົງທຶນລະຫວ່າງຫວຽດນາມ - ອີຕາລີ” ໄດ້ດຳເນີນໄປໃນວັນທີ 22/04, ຢູ່ນະຄອນ Florence, ເມືອງເອກຂອງເຂດ Tuscany, ເພື່ອແນໃສ່ແນະນຳບັນດາໂອກາດລົງທຶນເຂົ້າຫວຽດນາມ, ກໍຄືແຜນການເຊື່ອມຕໍ່ຮ່ວມມືດຳເນີນທຸລະກິດລະຫວ່າງວິສາຫະກິດ 2 ປະເທດ. ກ່າວຄຳເຫັນທີ່ເວທີປາໄສ, ທ່ານນາງຮອງລັດຖະມົນຕີກະຊວງການຕ່າງປະເທດຫວຽດນາມ ຫງວຽນເຟືອງງາ ເນັ້ນໜັກວ່າ ດ້ວຍສະພາບແວດລ້ອມທາງດ້ານການເມືອງ - ສັງຄົມທີ່ໝັ້ນຄົງ, ການລົງທຶນມີຄວາມສະດວກສະບາຍ, ກຳລັງຄົນງານໜູ່ມແໜ້ນ, ຂະຫຍັນຂັຍເຄື່ອນ ແລະ ດຸໝັ່ນ, ປະຈຸບັນ ຫວຽດນາມ ແມ່ນສະຖານລົງທຶນທີ່ດູດດື່ມ ແລະ ເປັນໜ້າໄວເນື້ອເຊື່ອໃຈ. ນອກຈາກບັນດາຂົງເຂດຮ່ວມມືຜະລິດດຳເນີນທຸລະກິດທີ່ມີມາແຕ່ດົນນານແລ້ວ, ຕະຫຼາດຫວຽດນາມ ພວມເປີດບັນດາກາລະໂອກາດລົງທຶນທີ່ໃຫຍ່ຫຼວງໃຫ້ແກ່ນັກລົງທຶນອີຕາລີ, ພິເສດແມ່ນໃນຂົງເຂດກໍ່ສ້າງພື້ນຖານໂຄງລ່າງເສດຖະກິດຕາມຮູບແບບຮ່ວມມືພາກລັດ - ເອກະຊົນ (PPP) ຄື; ຄົມມະນາຄົນຂົນສົ່ງ, ພະລັງງານ, ສະໜອງນ້ຳສາອາດ... ທ່ານນາງຮອງລັດຖະມົນຕີ ຫງວຽນເຟືອງງາ ຢືນຢັນວ່າ ດ້ວຍນະໂຍບາຍດຶງດູດການລົງທຶນ ແລະ ສ້າງເງື່ອນໄຂສະດວກໃຫ້ແກ່ບັນດານັກລົງທຶນຕ່າງປະເທດຂອງຫວຽດນາມ, ບັນດາວິສາຫະກິດອີຕາລີ, ໃນນັ້ນມີເຂດ Tuscany, ຈະສືບຕໍ່ໄດ້ຮັບການໜູນຊ່ວຍຈາກອຳນາດການປົກຄອງຂອງຫວຽດນາມ ເພື່ອລົງທຶນ ແລະ ດຳເນີນທຸລະກິດຢູ່ຫວຽດນາມ ໃນໄລຍະຍາວນານ.