( vovworld ) – ຕອນຄໍ່າວັນທີ 11/5, ຟີມຮູບເງົາເອກະສານ “ ຮ່ວາງຊາຫວຽດນາມ; ຄວາມເຈບປວດ ” ຂອງຜູ້ກຳກັບ ແລະ ແຕ່າງລະຄອນຄົນຝລັ່ງເຊື້ອຊາດຫວຽດນາມ Andre Menras ໄດ້ຖືກນຳສາຍຢູ່ສູນວັດທະນະທຳຫວຽດນາມ ທີ່ປາຣີ ( ຝລັ່ງ ). ການສາຍຟີມຮູບເງົາໂດຍສະມາຄົມນັກສຶກສາຫວຽດນາມ ປະຈຳຝລັ່ງ ( UEVF ) ຈັດຕັ້ງຂຶ້ນ ດ້ວຍການເຂົ້າຮ່ວມຂອງພໍ່ແມ່ຊາວຫວຽດນາມ ອາໄສຢູ່ຝລັ່ງ ແລະ ບັນດາເພື່ອນມິດຝລັ່ງ ທີ່ຮັກແຟງຫວຽດນາມ ຈຳນວນຫຼວງຫຼາຍ. ຟີມຮູບເງົາໄດ້ສ່ອງແສງຊີວິດການເປັນຢູ່ຂອງຊາວປະມົງເຂດທະເລເມືອງ ບິ່ງເຊີນ, ເມືອງເກາະລິ໋ເຊີນ ( ກວາງຫງ໋າຍ ). ເຖິງວ່າຕ້ອງປະເຊີນໜ້າກັບຄວາມຫຍຸ້ງຍາກ, ສິ່ງທະທ້າຍຢູ່ທະເລຫຼາຍຢ່າງກໍຕາມ, ແຕ່ຊາວປະມົງທາງພາກກາງ ຍັງຕັດສິນໃຈຕິດພັນກັບທະເລເພື່ອຜະລິດ, ຮັກສາອະທິປະໄຕທະເລໝູ່ເກາະ. ກອນໜ້ານັ້ນ, ຟີມຮູບເງົາ “ ຮ່ວາງຊາຫວຽດນາມ; ຄວາມເຈບປວດ ” ເຄີຍຖືກນຳສາຍຢູ່ບາງນະຄອນອື່ນໆຂອງຝລັ່ງຄື Toulouse ແລະ Beziers, ກໍຄືຢູ່ບາງປະເທດເອີລົບ ຄື ເຢຍລະມັນ, ສາທາລະນະລັດເຊັກ ແລະ ໂປໂລຍ. ພາຍຫຼັງສາຍຟີມຮູບເງົາແລ້ວ ແມ່ນເຄີຍຈັດການສຳມະນາກ່ຽວກັບຊີວິດຂອງຊາວປະມົງຫວຽດນາມ ດ້ວຍຄວາມປາດຖະໜາຢາກຢັ້ງຢືນອະທິປະໄຕຂອງຫວຽດນາມ ທີ່ມີຕໍ່ໝູ່ເກາະ ເຈື່ອງຊາ ແລະ ຮ່ວາງຊາ. ການສຳມະນານີ້ ທ່ານ Menras ກໍຮຽກຮ້ອງບໍລິຈາກເງິນສະໜັບສະໜູນ ແລະ ຊ່ວຍເຫຼືອບັນດາຄອບຄົວຊາວປະມົງຫວຽດນາມ.