ລາຍການສະຫງ່າລາສີຫວຽດນາມປີ 2012
ພາບປະກອບ:internet
|
(vovworld)- ລາຍການສະຫງ່າລາສີຫວຽດນາມຄັ້ງທີ 10 ພາຍໃຕ້ຫົວຂໍ້ວ່າ: “ບືນຕົວຂຶ້ນຜ່ານຜ່າຄວາມຫຍຸ້ງຍາກ” ຈະຖືກຈັດຂຶ້ນໃນວັນທີ 13/7 ຈະມາເຖິງ. ລາຍການດັ່ງກ່າວຖືກຈັດຂຶ້ນປະຈຳປີເພື່ອເຊີດຊູໝູ່ຄະນະ, ສ່ວນບຸກຄົນວິລະຊົນແຮງງານ, ວິລະຊົນກຳລັງປະກອບອາວຸດ, ແບບຢ່າງດີເດັ່ນທີ່ມີການກະທຳກ້າຫານ, ມີຜົນງານພິເສດໃນຂະບວນການແຂ່ງຂັນຮັກຊາດ, ສ້າງສາ ແລະ ປົກປັກຮັກສາປະເທດຊາດ. ລາຍການ“ສະຫງ່າລາສີຫວຽດນາມ” ປີນີ້ ຈະເຊີດຊູ ສ່ວນບຸກຄົນ 15 ຄົນ ແລະ 11 ໝູ່ຄະນະທີ່ມີຜົນງານດີເດັ່ນມານະພະຍາຍາມບືນຕົວຂຶ້ນຜ່ານຜ່າຄວາມຫຍຸ້ງຍາກ ໃນຊຸມປີມໍ່ໆມານີ້ ປະກອບສ່ວນໃຫ້ແກ່ເສດຖະກິດຂອງປະເທດຊາດ. ທີ່ການປະຊຸມຂ່າວດຳເນີນໄປໃນຕອນບ່າຍວັນທີ 3/7, ທ່ານ ຮ່ວາງງອກແທງ, ຮອງປະທານສະຫະພັນໃຫຍ່ແຮງງານ ຫວຽດນາມ, ຮອງຫົວຫນ້າຄະນະຈັດຕັ້ງລາຍການດັ່ງກ່າວໃຫ້ຮູ້ວ່າ:
“ລາຍການ ສະຫງ່າລາສີຫວຽດນາມ ແມ່ນເຊີດຊູວິລະຊົນແຮງງານ, ວິລະຊົນກຳລັງປະກອບອາວຸດ, ພິເສດແມ່ນມຸ້ງໄປເຖິງກຳມະບານຮາກຖານ, ກຳມະກອນແຮງງານທີ່ມີການປະກອບສ່ວນຫລາຍຢ່າງໃຫ້ແກ່ພາລະກິດສ້າງສາປະເທດຊາດ. ນອກນັ້ນ ຍັງເຊີດຊູບັນດາວິສາຫະກິດຜ່ານຜ່າຄວາມຫຍຸ້ງຍາກເພື່ອນຳມາເຊິ່ງລາຍຮັບໃຫ້ແກ່ວິສາຫະກິດ, ເບີ່ງແຍງຊີວິດການເປັນຢູ່ຂອງຄົນງານເປັນຢ່າງດີ, ປະກອບສ່ວນຫລາຍຢ່າງໃຫ້ແກ່ການພັດທະນາຂອງປະເທດຊາດ.”