ອົງການ “ລັດອິດສະລາມ“ (IS)
(ພາບ: AP)
(vovworld) - ວັນທີ 15/6, ຕຳຫຼວດ ແບນຊິກໄດ້ຮັບຄຳກ່າວເຕືອນຈາກສູນຕ້ານກໍ່ການຮ້າຍຂອງປະເທດນີ້ກ່ຽວກັບເລື່ອງມີມືປືນກຸ່ມໜຶ່ງທີ່ຂຶ້ນກັບອົງການ “ລັດອິດສະລາມ“ (IS) ຫາກໍ່ອອກຈາກ ຊີຣີ ເພື່ອເຂົ້າ ເອີລົບ, ແນໃສ່ວາງແຜນການບຸກໂຈມຕີຢູ່ແບນຊິກ ແລະ ຝລັ່ງ. ຄຳກ່າວເຕືອນດັ່ງກ່າວໄດ້ຖືກສົ່ງເຖິງກຳລັງຕຳຫຼວດທັງໝົດໃນທົ່ວປະເທດ ແບບຊິກ, ແຕ່ປະຈຸບັນປະເທດນີ້ຍັງບໍ່ທັນມີແຜນການຍົກລະດັບເຕືອນໄພປ້ອງກັນຄວາມສະຫງົບຂຶ້ນລະດັບສູງສຸດ. ຄຳກ່າວເຕືອນດັ່ງກ່າວຖືກຍົກອອກມາ, ພາຍຫຼັງທີ່ມືປືນຜູ້ໜຶ່ງສາບານຕົວຈົ່ງຮັກພັກດີກັບ IS ເຂັ່ນຂ້າຄູ່ຜົວເມຍນາຍຕຳຫຼວດ ຝລັ່ງໃນເຮືອນສ່ວນຕົວຂອງເຂົາເຈົ້າ ຢູ່ຊານນະຄອນຫຼວງ ປາຣີ 2 ວັນ ແລະ ພາຍຫຼັງເຫດຍິງປືນທີ່ຮ້າຍແຮງຢູ່ຮ້ານບັນເທີງຂອງຄົນກະເທີຍໃນນະຄອນ Orlando, ຂຶ້ນກັບລັດ Florida, ອາເມລິກາ 4 ວັນ, ເຊິ່ງ IS ຖະແຫຼງວ່າຕົວການແມ່ນພາກສ່ວນຈົ່ງຮັກພັກດີຂອງອົງການນີ້.