(ພາບປະກອບ)
(vovworld) – ທ່ານນາຍົກລັດຖະມົນຕີຫວຽດນາມ ຫາກໍ່ອະນຸມັດ ແຜນການປະຕິບັດສົນທິສັນຍາ ຂອງສະຫະປະຊາຊາດ ກ່ຽວກັບສິດຂອງຄົນພິການ. ຈຸດປະສົງແນໃສ່ກຳນົດແຈ້ງໜ້າທີ່ ຂອງບັນດາຂັ້ນ, ຂະແໜງການ ໃນການປະຕິບັດສົນທິສັນຍາ, ປະກອບສ່ວນປະຕິບັດບັນດາສິດ, ພັນທະຂອງປະເທດສະມາຊິກສົນທິສັນຍາຢ່າງມີປະສິດທິຜົນ, ສອດຄ່ອງກັບລັດຖະທຳມະນູນ, ກົດໝາຍ ແລະ ເງື່ອນໄຂເສດຖະກິດ-ສັງຄົມ ຂອງຫວຽດນາມ; ຮັບປະກັນບັນດາຄວາມຮຽກຮ້ອງຕ້ອງການພາຍນອກ, ພາຍໃນ, ຮັບປະກັນຄວາມສະຫງົບພາຍໃນປະເທດ, ຄວາມເປັນລະບຽບຮຽນຮ້ອຍຄວາມປອດໄພຂອງສັງຄົມ. ຕາມແຜນການລ້ວ, ບັນດາຂັ້ນ, ຂະແໜງການ ຈະປະຕິບັດການໂຄສະນາເຜີຍແຜ່ ບັນດານະໂຍບາຍໜູນຊ່ວຍຄົນພິການ, ສິດ ແລະ ໜ້າທີ່ຄວາມຮັບຜິດຊອບ ຂອງຄົນພິການ ຕະຫຼອດຮອດພະນັກງານ, ລັດຖະກອນ, ພາລະກອນ, ປະຊາຊົນ, ຄອບຄົວ ແລະ ຄົນພິການເອງ; ຄົ້ນຄ້ວາປັບປຸງ, ເພີ່ມເຕີມ ແລະ ປະກາດໃຊ້ບັນດາເອກະສານນິຕິກຳ ໜູນຊ່ວຍຄົນພິການ ໃນຂົງເຂດການດູແລສຸຂະພາບ, ການສຶກສາ, ສ້າງອາຊີບ, ວຽກເຮັດງານທຳ… ຮັບປະກັນໃຫ້ສອດຄ່ອງກັບສົນທິສັນຍາ.