(vovworld) – ວັນທີ 24/4/2013, ຕໍ່ໜ້າເລື່ອງ ຈີນ ຈຳໜ່າຍແຜນທີ່ປະເທດ ສາທາລະນະລັດ ປະຊາຊົນ ຈີນ ແລະ ປະກາດ “ແຜນກຳນົດພັດທະນາພາລະກິດ ມະຫາສະໝຸດແຫ່ງຊາດໄລຍະ 5 ປີຄັ້ງທີ 12”, ໃນນັ້ນມີບັນດາເນື້ອໃນທີ່ລະເມີດອະທິປະໄຕຂອງ ຫວຽດນາມ ທີ່ມີຕໍ່ໝູ່ເກາະ ຮ່ວາງຊາ, ເຈື່ອງຊາ ແລະ ສິດອະທິປະໄຕ, ສິດຕັດສິນອັນຖືກຕ້ອງຂອງ ຫວຽດນາມ ຢູ່ທະເລຕາເວັນອອກ, ໂຄສົກກະຊວງການຕ່າງປະເທດ ຫວຽດນາມ ເລືອງແທງງີ້ ຊີ້ແຈງວ່າ: ຫວຽດນາມ ຢັ້ງຢືນອະທິປະໄຕ ທັງບໍ່ອາດໂຕ້ຖຽງໄດ້ຕໍ່ໝູ່ເກາະ ຮ່ວາງຊາ ແລະ ເຈື່ອງຊາ, ສິດອະທິປະໄຕ, ສິດຕັດສິນອັນຖືກຕ້ອງທີ່ມີຕໍ່ເຂດເສດຖະກິດພິເສດ ແລະ ເຂດໄຫລ່ທະວີບຢູ່ທະເລຕາເວັນອອກ ຕາມສົນທິສັນຍາສາກົນກ່ຽວກັບກົດໝາຍວ່າດ້ວຍທະເລປີ 1982. ເລື່ອງ ຈີນ ນຳໃຊ້ແຜນທີ່ ແລະ ປະກາດແຜນກຳນົດດັ່ງກ່າວ ໄດ້ລະເມີດອະທິປະໄຕຂອງ ຫວຽດນາມ ທີ່ມີຕໍ່ໝູ່ເກາະ ຮ່ວາງຊາ ແລະ ເຈື່ອງຊາ, ສິດອະທິປະໄຕ, ສິດຕັດສິນອັນຖືກຕ້ອງຂອງ ຫວຽດນາມ ຢູ່ທະເລຕາເວັນອອກ, ລະເມີດກົດໝາຍສາກົນ, ຂໍ້ຕົກລົງບັນດາຫຼັກການພື້ນຖານແກ້ໄຂບັນຫາເຂດນ່ານທະເລລະຫວ່າງ ຫວຽດນາມ ແລະ ຈີນ ຢ່າງໜັກໜ່ວງ, ບໍ່ເໝາະສົມກັບເນື້ອໃນຈິດໃຈຂອງ DOC, ກໍ່ຄວາມເຄັ່ງຕຶງ ແລະ ຄວາມສັບສົນຕໍ່ສະພາບການຢູ່ທະເລຕາເວັນອອກ. ແຜນທີ່ ແລະ ແຜນກຳນົດດັ່ງກ່າວແມ່ນບໍ່ມີຄຸນຄ່າແຕ່ຢ່າງໃດເລີຍ.