ປ່າຊາຍເລນ
ພາບ:internet
|
(vovworld)- ພາຍຫລັງ 6 ປີ ແຫ່ງການຜັນຂະຫຍາຍແຜນຮ່າງ“ຟື້ນຟູ ແລະ ພັດທະນາປ່າຊາຍເລນແຄມທະເລໄລຍະ 2008-2015, ທົ່ວປະເທດປູກປ່າຊາຍເລນໄດ້ເກືອບ 17.000 ເຮັກຕາ, ເທົ່າກັບ 18% ແຜນການວາງອອກ. ສິ່ງດັ່ງກ່າວປະກອບສ່ວນຢ່າງຕໍ່ເນື່ອງໃນການປ້ອງກັນ, ປົກປັກຮັກສາເຂດແຄມທະເລຕໍ່ຫນ້າໄພທຳມະຊາດ ແລະ ການປ່ຽນແປງຂອງດິນຟ້າອາກາດ. ຕອນເຊົ້າວັນທີ 2/4, ທີ່ກອງປະຊຸມຂອງຄະນະຊີ້ນຳແຫ່ງລັດກ່ຽວກັບແຜນການປົກປັກຮັກສາ ແລະ ພັດທະນາປ່າໄລຍະ 2011-2020, ທ່ານຮອງນາຍົກລັດຖະມົນຕີ ຮ່ວາງຈູງຫາຍ ເນັ້ນຫນັກວ່າ:
“ມາດຕະການປະສິດທິຜົນທີ່ສຸດ, ປະຢັດກວ່າໝູ່ ໃນການຮັບມືກັບການປ່ຽນແປງຂອງດິນຟ້າອາກາດແມ່ນການປູກປ່າຢູ່ແຄມທະເລ. ໃນນັ້ນ ມີປ່າປ້ອງກັນ, ປ່າກັ້ນຂີ້ຊາຍ, ປ່າຮັກສາສິ່ງແວດລ້ອມ. ສະນັ້ນ ພວກເຮົາຕ້ອງສຸມໃສ່ບຸລິມະສິດດ້ານທຶນຮອນໃຫ້ແກ່ວຽກງານນີ້.”
ບັນດາຜູ້ແທນເຂົ້າຮ່ວມກອງປະຊຸມໄດ້ເນັ້ນຫນັກວ່າ: ເພື່ອເພີ່ມເນື້ອທີ່ປູກປ່າແຄມທະເລຈາກ 360.000 ຂຶ້ນເຖິງ 406.000 ເຮັກຕາກ, ແຜນຮ່າງປົກປັກຮັກສາ ແລະ ພັດທະນາປ່າແຄມທະເລ ຄວນສ້າງໃຫ້ເໝາະສົມກັບການວາງແຜນກຳນົດຂອງແຕ່ລະທ້ອງຖິ່ນ, ຕິດພັນກັບວິວັດການສ້າງໂຄງປະກອບຂະແຫນງກະສິກຳຄືນໃຫມ່,ບຸລິມະສິດປູກປ່າຊາຍເລນ ທັງປ້ອງກັນ ທັງຊ່ວຍປະຊາຊົນປັບປຸງລາຍຮັບ