ແລກປ່ຽນບົດຮຽນ ການເຄື່ອນໄຫວ ຂອງສະພາປະຊາ ຊົນບັນດາແຂວງ ພູດອຍ ແລະ ພູພຽງ
ສຳນັກງານສະພາປະຊາຊົນ
(ພາບປະກອບ)
(vovworld) - ວັນທີ 20/4, ຢູ່ແຂວງອຽນບ໋າຍ ໄດ້ຈັດຕັ້ງກອງປະຊຸມແລກປ່ຽນບົດຮຽນໃນການເຄື່ອນໄຫວຂອງສະພາປະຊາຊົນ ຂອງ 14 ແຂວງເຂດພູດອຍ ແລະ ພູພຽງທາງພາກເໜືອ. ກອງປະຊຸມໄດ້ສຸມໃສ່ແລກປ່ຽນ, ແບ່ງປັນບັນດາບົດຮຽນໝາກຜົນທີ່ບັນດລຸໄດ້, ບັນດາຄວາມຫຍູ້ງຍາກ, ຂໍ້ຕິດຂັດ ແລະ ນຳສະເໜີມາດຕະການແກ້ໄຂໃນການເຄື່ອນໄຫວຂອງສະພາປະຊາຊົນ. ບັນດາບົດທາບທາມຄວາມເຫັນທີ່ກອງປະຊຸມໄດ້ແລກປ່ຽນບົດຮຽນ ແລະ ມາດຕະການຍົກສູງຄຸນນະພາບການຕິດຕາມກວດກາ, ຍົກສູງກຳລັງຄວາມສາມາດຕັດສິນຂອງສະພາປະຊາຊົນແຂວງ. ມີບາງບົດທາບທາມຄວາມເຫັນໄດ້ເຕື້ອງເຖິງສະພາບການຕົວຈິງກ່ຽວກັບການເຄື່ອນໄຫວຊັກຖາມ ແລະ ຕອບຄຳຊັກຖາມ ແລະ ອະພິປາຍຢູ່ສະໄໝປະຊຸມຄັ້ງຕ່າງໆ... ບັນດາຜູ້ແທນເຂົ້າຮ່ວມກອງປະຊຸມລ້ວນແຕ່ເປັນເອກະສັນກັນຖືວ່າ: ການຍົກສູງປະສິດທິພາບ, ປະສິດທິຜົນການເຄື່ອນໄຫວຂອງສະພາປະຊາຊົນ, ພິເສດແມ່ນສະພາປະຊາຊົນຂັ້ນແຂວງ ແມ່ນຄວາມຕ້ອງການໂດຍພາວະວິໄສ. ບາງຂໍ້ສະເໜີ ກໍຖືກບັນດາຜູ້ແທນຍົກອອກມາເພື່ອພິຈາລະນະຄື: ສະເໜີສະພາແຫ່ງຊາດຄວນຄົ້ນຄ້ວາ ປັບປຸງກົດໝາຍວ່າດ້ວຍການຈັດຕັ້ງສະພາປະຊາຊົນ ແລະ ຄະນະກຳມະການປະຊາຊົນ. ສະເໜີໃຫ້ສະພາແຫ່ງຊາດປະກາດໃຊ້ກົດໝາວວ່າດ້ວຍການຕິດຕາມກວດກາຂອງສະພາປະຊາຊົນ ເພື່ອຮັບປະກັນປະສິດທິພາບ, ປະສິດທິຜົນການເຄື່ອນໄຫວຕິດຕາມກວດກາໂດຍໄວ.