ແອັດສະປາຍເປີດປະຕູດ່ານຊາຍແດນ ກັບບັນດາປະເທດ EU ເກືອບທັງໝົດ
(VOVWORLD) -ວັນທີ 21ມິຖຸນາ, ແອັດສະປາຍ ໄດ້ເປີດປະຕູດ່ານຊາຍແດນໃຫ້ແຂກທ່ອງທ່ຽວທີ່ ມາຈາກ EU ແລະ ເຂດ Schengen ເກືອບທັງໝົດ ເພື່ອແນໃສ່ເພີ່ມທະວີການດຶງດູດກແຂກທ່ອງທ່ຽວ ເມື່ອປະເທດຍົກເລີກສະພາບວະສຸກເສີນທີ່ໄດ້ຮັບການນຳໃຊ້ແຕ່ວັນທີ 14 ເມສາ ເພື່ອສະກັດກັ້ນການແຜ່ລາມຂອງໂລກລະບາດ Covid -19.
ກຳລັງປ້ອງກັນແອັດສະປາຍກວດບັນດາພາຫະນະຢູ່ປ້ອມກວດກາແຫ່ງໜຶ່ງຢູ່ເຂດຊາຍແດນລະຫ່ວາງ ແອັດສະປາຍ - ຕວັກກີ (ພາບ: AFP/TTXVN)
|
ຢູ່ບັນດາສະໜາມບິນ, ອາດຈະເຫັນມີຜູ້ໂດຍສານເປັນຈຳນວນຫຼາຍກັບຈາກຕ່າງປະເທດມາ ແອັດສະປາຍ ຫຼືຈາກແອັດສະປາຍກັບເມືອປະເທດພາຍຫຼັງການປິດເມືອງມາເປັນເວລາຫຼາຍເດືອນ.
ທ່ານລັດຖະມົນຕີກະຊວງສາທາລະນະສຸກ ແອັດສະປາຍໃຫ້ຮູ້ວ່າ: ມີ 3 ມາດຕະການຄວບຄຸມສຳລັບແຂກທ່ອງທ່ຽວ: “ບັດຕິດຕາມຂອງແຂກທ່ອງທ່ຽວ” ດ້ວຍຂໍ້ມູນພື້ນຖານກ່ຽວກັບລາຍການເດີນທາງ ແລະ ອາການສຸຂະພາບຂອງເຂົາເຈົ້າ, ວັດແທກອຸນຫະພູມຮ່າງກາຍ ແລະ “ຄວບຄຸມດ້ວຍການສັງເກດໂດຍກົງ” ເພື່ອແນໃສ່ຮັບປະກັນວ່າແຂກທ່ອງທ່ຽວມີສຸຂະພາບແຂງແຮງ.