(VOVWORLD) - ເຂດມີໂຄງການ Plan ຢູ່ ແຂວງກວ໋າງຈິ ຫາກໍຕົກລົງໜູນຊ່ວຍ ເມືອງ ເຮື໊ອງຮວ໊າ ແລະ ດັກຣົງ, ແຂວງກວ໋າງຈິ ເປັນຈຳນວນເງິນກວ່າ 1,3 ຕື້ດົ່ງ ເພື່ອຊື້ອຸປະກອນການແພດ ຮັບໃຊ້ວຽກງານປ້ອງກັນ ແລະ ສະກັດກັ້ນໂລກລະບາດໂຄວິດ - 19.
ນອກຈາກນັ້ນ, ໂຄງການ Plan ຍັງໜູນຊ່ວຍໂຮງຮຽນແຫ່ງຕ່າງໆປະຕິບັດວຽກງານປ້ອງກັນ ແລະ ສະກັດກັ້ນໂລກລະບາດ, ກະກຽມຕ້ອນຮັບນັກຮຽນກັບມາໂຮງຮຽນຢ່າງປອດໄພ ພາຍຫຼັງມີແຜນໃຫ້ນັກຮຽນກັບຄືນສູ່ການຮຽນເປັນປົກກະຕິ; ປົກປ້ອງເດັກ ແລະ ນັກຮຽນເຂດພູດອຍ, ເຂດຊາວເຜົ່າສ່ວນໜ້ອຍ... ທ່ານ ຟານດິ່ງຮຽບ, ຜູ້ບໍລິຫານເຂດໂຄງການ Plan ຢູ່ ກວ໋າງຈິ ໃຫ້ຮູ້ວ່າ:
“ຕາມຄຳຮຽກຮ້ອງຂອງແຂວງ, ຄະນະຊີ້ນຳວຽກງານປ້ອງກັນ ແລະ ສະກັດກັ້ນໂລກລະບາດຂອງແຂວງແລ້ວ, ຜູ້ບໍລິຫານເຂດມີໂຄງການ ໄດ້ໃຫ້ການໜູນຊ່ວຍຢ່າງຮີບດ່ວນເພື່ອປ້ອງກັນ ແລະ ສະກັດກັ້ນໂລກລະບາດ. ສຳລັບບັນດາຕາແສງ, ອົງການຄູ່ຮ່ວມມື ເຊິ່ງພວມຜັນຂະຫຍາຍໂຄງການ Plan, ທາງຄູ່ຮ່ວມມືຈະຊື້ອຸປະກອນການແພດ, ຊຸດປ້ອງກັນເຊື້ອພະຍາດ, ຜ້າອັດປາກ, ສະບຽງອາຫານທີ່ຈຳເປັນ ໃຫ້ແກ່ບັນດາເຂດແຍກຕົວລວມໝູ່”.