(ພາບ:hanoimoi.com.vn)
(TTX)- ພິທີສະຫຼອງຮັບນ້ຳມັນຖັງທຳອິດຂອງບໍລິສັດຮ່ວມທຸລະກິດນ້ຳມັນອາຍແກດ ຫວຽດນາມ-ເວເນຊູເອລາ ຫາກໍ່ຖືກຈັດຂຶ້ນຢູ່ເວເນຊູເອລາ. ກ່າວຄຳເຫັນທີ່ພິທີ, ຕາງໜ້າໃຫ້ລັດຖະບານ ແລະ ປະຊາຊົນຫວຽດນາມ, ທ່ານ Ngo Tien Dung ເອກອັກຄະລັດຖະທູດຫວຽດນາມ ປະຈຳເວເນຊູເອລາ ໄດ້ສະແດງໃຫ້ເຫັນຄວາມປາດຖະໜາວ່າ: ລັດຖະບານ, ພະນັກງານ, ບັນດາຂະແໜງການມີໜ້າທີ່ຮັບຜິດຊອບຂອງເວເນຊູເອລາ ຈະສືບຕໍ່ສ້າງເງື່ອນໄຂໃຫ້ກຸ່ມບໍລິສັດນ້ຳມັນອາຍແກດແຫ່ງຊາດເວເນຊູເອລາ ແລະ ກຸ່ມບໍລິສັດນ້ຳມັນອາຍແກດແຫ່ງຊາດຫວຽດນາມ ຍູ້ໄວບາດກ້າວຕໍ່ໄປຂອງການເຈາະຂຸດຄົ້ນ ແລະ ຜະລິດນ້ຳມັນເພື່ອສາມາດບັນລຸໄດ້ປະລິມານການຜະລິດນ້ຳມັນທີ່ວາງອອກຕາມແຜນການໃຫ້ໄດ້ 50.000 ແລະ 200.000 ຖັງ/ມື້. ທ່ານເອກອັກຄະລັດຢືນຢັນວ່າ: ລັດຖະບານຫວຽດນາມ ຈະສືບຕໍ່ສະໜັບສະໜູນກຸ່ມບໍລິສັດນ້ຳມັນອາຍແກດແຫ່ງຊາດຫວຽດນາມ ໃນບັນດາໂຄງການລົງທຶນຢູ່ເວເນຊູເອລາ ເພື່ອເຮັດໃຫ້ການພົວພັນຮ່ວມມືໃນຂົງເຂດນ້ຳມັນອາຍແກດລະຫວ່າງສອງປະເທດນັບມື້ນັບພັດທະນາ, ປະກອບສ່ວນຮັບປະກັນຄວາມໝັ້ນຄົງດ້ານພະລັງງານ ແລະ ການພັດທະນາແບບຍືນຍົງຂອງແຕ່ລະປະເທດ, ເພື່ອຜົນປະໂຫຍດລວມຂອງປະຊາຊົນສອງປະເທດ.