(vovworld) – ໃນຂອບເຂດງານຕະຫຼາດນັດການຄ້າສາກົນ ເຊິ່ງດຳເນີນໄປໃນວັນທີ 05/12 ຢູ່ນະຄອນ Liege ປະເທດແບນຊິກ, ສະຖານທູດຫວຽດນາມ ປະຈຳແບນຊິກ ໄດ້ສົມທົບກັບອົງການສຳພັນທະມິດແບນຊິກ - ຫວຽດນາມ ຈັດຕັ້ງກອງປະຊຸມສຳມະນາດ້ວຍຫົວຂໍ້ວ່າ “ການລົງທຶນເຂົ້າຫວຽດນາມ, ກາລະໂອກາດ ແລະ ສິ່ງທ້າທາຍ”.
ທ່ານ Philippe Suinen, ອະດີດຂະຫຼວງໃຫຍ່ປະຊາຄົມຊາວແບນຊິກທີ່ໃຊ້ພາສາຝລັ່ງ ຕີລາຄາສູງຄວາມສາມາດບົມຊອນລົງທຶນຢູ່ຫວຽດນາມ. ທ່ານເນັ້ນໜັກວ່າ, ຫວຽດນາມ ມີກາລະໂອກາດຫຼາຍຢ່າງທີ່ສະຫງວນໃຫ້ແກ່ບັນດາວິສາຫະກິດແບນຊິກ ພິເສດແມ່ນໃນຂົງເຂດປຸ່ງແຕ່ງຜະລິດຕະພັນກະເສດ, ສິ່ງແວດລ້ອມ, ເກັບ ແລະ ກຳຈັດທາດເສດເຫຼືອ. ຕ່າມທ່ານແລ້ວ, 2 ປະເທດຄວນຍູ້ແຮງການຮ່ວມມືລະຫວ່າງຂົງເຂດ ເພື່ອສ້າງວຽກເຮັດງານທຳຫຼາຍຢ່າງ ກໍ່ຄືກາລະໂອກາດພັດທະນາໃຫ້ແກ່ຫວຽດນາມ.
ປະຈຸບັນ, ການພົວພັນຮ່ວມມືລະຫວ່າງບັນດາແຂວງຂອງແບນຊິກ ກັບແຂວງຕ່າງໆຂອງຫວຽດນາມ ໄດ້ຮັບການພັດທະນາດີ ຄືການປູກດອກໄມ້ ແລະ ຕົ້ນໄມ້ປະດັບ, ພິເສດແມ່ນປາບາຊາ. ໃນປະຈຸບັນ ແບນຊິກ ໄດ້ມີ 40 ໂຄງການລົງທຶນເຂົ້າຫວຽດນາມ ດ້ວຍຈຳນວນທຶນແມ່ນ 98 ລ້ານເອີໂລ.