ໂຄສະນາກ່ຽວກັບ ຊາຍແດນ ແລະ ທະເລ ໝູ່ເກາະຂອງຫວຽດນາມ
(ພາບປະກອບ)
(vovworld) - ຕອນເຊົ້າວັນທີ 14/6, ຢູ່ນະຄອນກວາງຫງາຍ, ກະຊວງວັດທະນະທຳກິລາ ແລະ ທ່ອງທ່ຽວ ສົມທົບກັບຄະນະກຳມະການປະຊາຊົນແຂວງກວາງຫງາຍໄດ້ຈັດຕັ້ງບັ້ນໂຄສະນາເຄື່ອນທີ່ “ຊາຍແດນ ແລະ ທະເລໝູ່ເກາະຂອງຫວຽດນາມ“. ກ່າວຄວາມເຫັນຢູ່ທີ່ນີ້, ທ່ານລັດຖະມົນຕີຊ່ວຍວ່າການກະຊວງ ວັດທະນະທຳກິລາ ແລະ ທ່ອງທ່ຽວ ຮວີ່ນວິ້ງອ໋າຍ ໄດ້ກ່າວປະນາມການກະທຳຂອງຈີນ ທີ່ຕັ້ງຮ້ານເຈາະນຳ້ມັນໄຮຢາງ 981 ຢ່າງຜິດກົດໝາຍໃນເຂດເສດຖະກິດຈຳເພາະ ແລະ ໄຫຼ່ທະວີບຂອງຫວຽດນາມ, ລະເມີດສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລປີ 1982 ແລະ ຖະແຫຼງການປະພຶດຂອງຝ່າຍຕ່າງໆຢູ່ທະເລຕາເວັນອອກ (DOC) ເຊິ່ງຈີນໄດ້ລົງລາຍເຊັນແລ້ວ. ທ່ານຢືນຢັນວ່າ, ຫວຽດນາມ ມີຫຼັກຖານປະຫວັດສາດ ແລະ ນິຕິກຳຢ່າງພຽງພໍເພື່ອຢັ້ງຢືນອະທິປະໄຕຂອງຕົນໃນເກາະຮ່ວາງຊາ ແລະ ເຈື່ອງຊາ.
ທ່ານຮອງປະທານຄະນະກຳມະການປະຊາຊົນແຂວງກວາງຫງາຍ ຟ້າມຍືໂຊ ຮຽກຮ້ອງໃຫ້ປະຊາຊົນທຸກຊັ້ນວັນນະ ແລະ ຊາວປະມົງແຂວງກວາງຫງາຍ ຈົ່ງຮ່ວມແຮງຮ່ວມໃຈປົກປັກຮັກສາທະເລໝູ່ເກາະຂອງບ້ານເກີດເມືອງນອນ:
“ຊາວປະມົງລຸ້ນທີ່ສືບທອດທະຫານຮ່ວາງຊາພິລະອາດຫານໃນເມື່ອກ່ອນ, ຈົ່ງເສີມຂະຫຍາຍມູນເຊື້ອປະຕິວັດ, ນຳ້ໃຈຮັກຊາດ, ຄວາມເອກອ້າງທະນົງໃຈຂອງຊາດ, ສາມັກຄີກັນເປັນຈິດໜຶ່ງໃຈດຽວຕິດພັນກັບທະເລ ເພື່ອປົກປັກຮັກສາອະທິປະໄຕທະເລໝູ່ເກາະສັກກະລະບູຊາຂອງປະເທດຊາດ“.