(vovworld) - ພິທີມອບລາງວັນງານມະໂຫລານພາບຖ່າຍ ແລະ ຮູບເງົາເອກະສານ ກ່ຽວກັບບັນດາປະຊາຊາດໃນປະຊາຄົມອາຊຽນ ຢູ່ຫວຽດນາມ 2015, ຊຶ່ງຖືກໄຂຂຶ້ນໃນຕອນຄ່ຳວັນທີ 15/12, ຢູ່ຮ່າໂນ້ຍ. ນີ້ແມ່ນເຫດການເພື່ອຂ່ຳນັບຮັບຕ້ອນພິທີສະເຫຼີມສະຫຼອງ 20 ປີແຫ່ງວັນຫວຽດນາມ ເຂົ້າເປັນສະມາຊິກອາຊຽນ ແລະ ການສ້າງຕັ້ງປະຊາຄົມອາຊຽນ ໃນທ້າຍປີ 2015.
ພາຍຫຼັງປຸກລະດົມເປັນເວລາ 5 ເດືອນ, ຄະນະຈັດຕັ້ງໄດ້ຮັບເກືອບ 1.500 ພາບຖ່າຍ ແລະ ຮູບເງົາເອກະສານທີ່ສົ່ງມາເຂົ້າຮ່ວມການເສັງຂອງບັນດານັກຖ່າຍຮູບ, ຜູ້ກຳກັບການສະແດງຮູບເງົາຂອງບັນດາປະເທດອາຊຽນ. ບັນດາພາບຖ່າຍ ແລະ ຮູບເງົາເອກະສານ ໄດ້ສຸມໃສ່ໂຄສະນາພາບພົດຂອງບັນດາປະເທດທີ່ມີຄວາມສາມາດບົ່ມຊ້ອນຫຼາຍຢ່າງ ແລະ ພັດທະນາຢ່າງຂະຫຍັນຂັນເຄື່ອນ… ທ່ານ ຫງວຽນເຈື່ອງເຊີນ, ຫົວໜ້າຄະນະຈັດຕັ້ງງານມະໂຫລານ ໃຫ້ຮູ້ວ່າ.
“ແຕ່ລະປະເທດລ້ວນແຕ່ມີສີສັນສະເພາະ, ມີບັນດາຮີດຄອງປະເພນີສະເພາະ ສະນັ້ນ, ພາບຖ່າຍແຕ່ລະແຜ່ນລ້ວນແຕ່ສະແດງໃຫ້ເຫັນສິ່ງພິເສດຈາກທິວທັດທຳມະຊາດ ຕະຫຼວດຮອດມະນຸດ, ຮີດຄອງປະເພນີ. ແລະສິ່ງທີ່ໜ້າສົນໃຈອີກອັນໜຶ່ງໃນຄັ້ງນີ້ແມ່ນ ມີບັນດານັກຖ່າຍຮູບຂອງປະເທດນີ້ ແຕ່ພັດຊອກຫາແຫຼ່ງອາລົມປະດິດຄິດສ້າງຢູ່ປະເທດອື່ນ. ດັ່ງນັ້ນ, ພວກເຮົາເຫັນວ່າ, ບັນດານັກຖ່າຍຮູບບໍ່ພຽງແຕ່ມີຄວາມສົນໃຈໂຄສະນາປະເທດຂອງເຂົ້າເຈົ້າເທົ່ານັ້ນ, ຫາກຍັງປະກອບສ່ວນໂຄສະນາລວມໃຫ້ປະຊາຄົມອາຊຽນ ສາມັກຄີອີກດ້ວຍ”.