ການສະແດງສິລະປະຂອງ ຫວຽດນາມ
(vovworld) – ງານບຸນວັດທະນະທຳນາໆຊາດຖືກຈັດຕັ້ງໃນວັນທີ 14/4, ຢູ່ນະຄອນ Zlin ຂອງ ສ. ເຊັກໂກ. ງານບຸນໂດຍສະມາຄົມນັກສຶກສາພະແນກສື່ສານຫຼາຍປະເພດຂອງມະຫາວິທະຍາໄລສັງລວມ Tomas Bat’a ຂອງນະຄອນ Zlin ຈັດຕັ້ງເພື່ອແນໃສ່ແນະນຳໃຫ້ປະຊາຊົນ ສ. ເຊັກໂກ ບັນດາຈຸດທີ່ເປັນເອກະລັກສະເພາະໃນວັດທະນະທຳທີ່ເປັນມູນເຊື້ອຂອງບັນດາປະເທດໃນໂລກ. ປີນີ້, ຫວຽດນາມ ແລະ ແອດສະປາຍ ໄດ້ຮັບການເລືອກເຟັ້ນເພື່ອແນະນຳພື້ນຖານວັດທະນະທຳຂອງຕົນເຖິງປະຊາຊົນ ສ. ເຊັກໂກ. ທ່ານ Lukas Koutny, ຜູ້ອຳນວຍການໂຄງການຈັດຕັ້ງງານບຸນ, ໃຫ້ຮູ້ວ່າ:
“ຂ້າພະເຈົ້າໄດ້ເລືອກເຟັ້ນ ຫວຽດນາມ ຍ້ອນວ່າປະຊາຊົນ ເຊັກໂກ ບໍ່ທັນມີຄວາມຮູ້ຫຼາຍກ່ຽວກັບປະເທດ ຫວຽດນາມ. ຊຳ້ບໍ່ໜຳ, ມີຫຼາຍຄົນບໍ່ທັນຮູ້ເຖິງອາຫານການກິນ ຫຼື ດ້ານອື່ນໆໃນຊີວິດການເປັນຢູ່ຂອງປະຊາຊົນ ຫວຽດນາມ. ດັ່ງນັ້ນ, ຈຸດໝາຍຂອງພວກຂ້າພະເຈົ້າແມ່ນຢາກແນະນຳພື້ນຖານວັດທະນະທຳ ຫວຽດນາມ, ພ້ອມທັງລົບລ້າງຮົ້ວກີດຂວາງດ້ານວັດທະນະທຳລະຫວ່າງ 2 ປະເທດ.”