(vovworld) – ວັນທີ 22/11, ຄະນະປະຕິບັດງານຂອງກະຊວງວິທະຍາສາດ ແລະ ເຕັກໂນໂລຊີ ໄດ້ຈັດການໂອ້ລົມສັນທະນາແນະນຳໂຄງການ “ຍູ້ແຮງການປ່ຽນໃໝ່, ປະດິດຄິດສ້າງ ຜ່ານການຄົ້ນຄວ້າວິທະຍາສາດ ແລະ ເຕັກໂນໂລຊີ” (FIRST) ກັບບັນດາຜູ້ຊ່ຽວຊານ, ນັກປັນຍາຊົນຫວຽດນາມ ພວມເຮັດວຽກຢູ່ລາຊະອານາຈັກອັງກິດ.
ທີ່ການໂອ້ລົມສົນທະນາ, ທ່ານເອກອັກຄະລັດຖະທູດຫວຽດນາມ ປະຈຳອັງກິດ ຫງວຽນວັນທາວ ຢືນຢັນວ່າ ສະຖານທູດຫວຽດນາມ ປະຈຳລາຊະອານາຈັກອັງກິດ ພ້ອມແລ້ວຈະສວນບົດບາດເປັນຂົວຕໍ່ລະຫວ່າງນັກປັນຍາຊົນຫວຽດນາມ ປະຈຳອັງກິດ ກັບຄະນະຄຸ້ມຄອງໂຄງການ FIRST ເພື່ອແນໃສ່ປະກອບສ່ວນຍົກສູງປະສິດທິຜົນຂອງໂຄງການ. ມີບັນດາຂົງເຂດແຕກຕ່າງກັນຄື: ເຕັກໂນໂລຊີຂໍ້ມູນຂ່າວສານ, ເຕັກໂນໂລຊີຊີວະພາບ ແລະ ກະສິກຳ, ວັດສະດຸໃໝ່… ບັນດາຜູ້ຊ່ຽວສານ, ນັກປັນຍາຊົນຫວຽດນາມ ປະຈຳອັງກິດ ໄດ້ແລກປ່ຽນຢ່າງກົງໄປກົງມາ ແລະ ຕັ້ງຄຳຖາມເພື່ອຊອກຮູ້ກ່ຽວກັບໂຄງການ FIRST ຢ່າງເລິກເຊິ່ງກວ່າ. ພ້ອມກັນນັ້ນ, ເຂົາເຈົ້າກໍ່ປາດຖະໜ້າຢາກຫັນເປັນລະອຽດຫຼາຍກວ່າສຳລັບບັນດາການໜູນຊ່ວຍໃຫ້ຜູ້ຊ່ຽວສານ, ນັກປັນຍາຊົນຊາວຫວຽດນາມ ອາໄສຢູ່ຕ່າງປະເທດ ເມື່ອເຂົ້າຮ່ວມໂຄງການ FIRST.