ປັດຈຸບັນ ຈຳນວນຜູ້ໄດ້ຮັບການປິ່ນປົວຫາຍດີ ແມ່ນເກືອບ 2,3 ລ້ານຄົນ. ອາເມລິກາ ສືບຕໍ່ຢືນຢູ່ອັນດັບທີ 1 ຂອງໂລກກ່ຽວກັບຈຳນວນຜູ້ຕິດເຊື້ອ ແລະ ຜູ້ເສຍຊີວິດ,ຖັດຈາກນັ້ນ ແມ່ນ ບຣາຊິນ, ລັດເຊຍ, ແອັດສະປາຍ ແລະ ອັງກິດ.

        ຢູ່ພາກພື້ນອາເມລິກາໃຕ້, ຕາມຕົວເລກສະຖິຕິຂອງກະຊວງສາທາລະນະສຸກ, ບຣາຊິນໄດ້ຢັ້ງຢືນມີຜູ້ຕິດເຊື້ອພະຍາດ Covid – 19 ແມ່ນເກືອບ 350.000ຄົນ, ໃນນັ້ນມີກ່ວາ 22.000 ຄົນເສຍຊີວິດ. ໂລກລະບາດຍັງສືບຕໍ່ມີການຜັນແປຢ່າງສັບສົນໃນພາກພື້ນ ຕາເວັນອອກກາງໃນວັນທີ 24 ພຶດສະພາ, ດ້ວຍຈຳນວນຜູ້ຕິດເຊື້ອໃໝ່ ແລະ ເສຍຊີວິດໃນແຕ່ລະວັນລ້ວນແຕ່ຢູ່ລະດັບສູງ. ຕວັກກີຢັ້ງຢືນ ມີຜູ້ຕິດເຊື້ອໃໝ່ຕື່ມອີກ 1.141 ຄົນ, ອັນໄດ້ຍົກຈຳນວນຜູ້ຕິດເຊື້ອພະຍາດ Covid – 19 ຢູ່ປະເທດນີ້ຂຶ້ນເຖິງ 156.827 ຄົນ, ໃນນັ້ນມີ 4.340 ຄົນເສຍຊີວິດ.