ຫົວໜ້າກຳມາທິການປ້ອງກັນຊາດ ແລະ ປ້ອງກັນຄວາມສະຫງົບ
ສະພາແຫ່ງຊາດຫວຽດນາມ ຫງວຽນກິມຄວາ (ພາບ: NH)
(vovworld) - ວັນທີ 13/8, ຢູ່ແຂວງ ນິງບິ່ງ, ກຳມາທິການປ້ອງກັນຊາດ ແລະ ປ້ອງກັນຄວາມສະຫງົບ, ສະພາແຫ່ງຊາດ ຈັດຕັ້ງການໂອ້ລົມສົນທະນາກ່ຽວກັບບັນດາບັນຫາທີ່ກ່ຽວຂ້ອງເຖິງການປ້ອງກັນຊາດ, ປ້ອງກັນຄວາມສະຫງົບໃນປະມວນກົດໝາຍອາຍາ (ສະບັບປັບປຸງ), ກົດໝາຍວ່າດ້ວຍການຈັບຕົວ, ການກັກຂັງຊົ່ວຄາວ, ກົດໝາຍວ່າດ້ວຍການລົງປະຊາມະຕິ ແລະ ກົດໝາຍວ່າດ້ວຍຄວາມປອດໄພສື່ສານ. ບັນດາຜູ້ແທນ, ນັກຊ່ຽວຊານໃນຂົງເຂດປ້ອງກັນຊາດປ້ອງກັນຄວາມສະຫງົບສ່ວນຫລາຍ ສະແດງຄວາມເຫັນດີເປັນເອກະພາບສູງ ຕໍ່ຄວາມຈຳເປັນຕ້ອງ ເຮັດແຈ້ງບາງມາດຕາໃນປະມວນກົດໝາຍອາຍາ (ສະບັບປັບປຸງ). ບັນດາຜູ້ແທນ ຖືວ່າ: ເລື່ອງຈຳກັດຄະດີປະຫານຊີວິດໃນປະມວນກົດໝາຍນັ້ນແມ່ນສະແດງໃຫ້ເຫັນລັກສະນະມະນຸດສະທຳ, ເໝາະສົມກັບທ່າອ່ຽງກ້າວໜ້າຂອງມວນມະນຸດໃນປະຈຸບັນ. ແຕ່ເມື່ອຈຳກັດຄະດີປະຫານຊີວິດໃນສະພາບຄວາມປອດໄພ ການເມືອງໃນປະຈຸບັນ ແມ່ນຕ້ອງ ຄິດໄລ່ເຖິງໂທດຈຳນວນໜຶ່ງ ເພື່ອຜົນປະໂຫຍດຂອງຜູ້ຖືກເຄາະຮ້າຍ.