(vovworld) - ໄປພ້ອມກັບການເຕີບໂຕດ້ານເສດຖະກິດໂລກໃນບັນດາທົດສະວັດຜ່ານມາ ແມ່ນການເພີ່ມທະວີສະພາບມົນລະພິດສິ່ງແວດລ້ອມ, ລະບົບຊີວະນາໆພັນຊຸດໂຊມ, ຊັບພະຍາກອນທຳມະຊາດຖືກສູນຫາຍຫຼາຍ ແລະ ການປ່ຽນແປງຂອງດິນຟ້າອາກາດເກີດຂຶ້ນຢ່າງສັບສົນ. ການໂອ້ລົມສົນທະນາ “ເສດຖະກິດຂຽວຜ່ານບັນດາສາຍຕາ” ໄດ້ດຳເນີນການໄຈ້ແຍກບັນດາກາລະໂອກາດ ແລະ ສິ່ງທ້າທາຍຂອງວິສາຫະກິດໃນການພັດທະນາເສດຖະກິດຂຽວ. ການໂອ້ລົມສົນທະນາ “ເສດຖະກິດຂຽວຜ່ານບັນດາສາຍຕາ”, ໄດ້ດຳເນີນໄປໃນວັນທີ 19/01 ຢູ່ຮ່າໂນ້ຍ, ໂດຍສຸມໃສ່ຫົວຂໍ້ ວິສາຫະກິດຂຽວ ຢູ່ຫວຽດນາມ ແລະ ປະກອບສຳພາລະໃຫ້ແກ່ໄວໜຸ່ມໃນການສ້າງພື້ນຖານເສດຖະກິດຂຽວ. ລາຍການກໍຍັງມີການແບ່ງປັນຂອງບັນດານັກສຶກສາກ່ຽວກັບຮູບແບບໝັ້ນຄົງໃນໂລກ ແລະ ຫວຽດນາມ. ເມື່ອເວົ້າກ່ຽວກັບບົດບາດເສດຖະກິດຂຽວ ໃນໄລຍະພັດທະນາເສດຖະກິດຄືປະຈຸບັນ, ທ່ານນາງ ຟ້າມຈີລານ, ຜູ້ຊ່ຽວຊານດ້ານເສດຖະກິດໄດ້ແບ່ງປັນວ່າ.
“ໃນໄລຍະຈະມາເຖິງ ຕ້ອງເນັ້ນໜັກເຖິງເສດຖະກິດຂຽວ. ກ່ອນອື່ນໝົດແມ່ນເນັ້ນໜັກເຖິງມາດຖານກ່ຽວກັບສິ່ງແວດລ້ອມ, ເພື່ອເຮັດແນວໃດໃຫ້ການພັດທະນາໃກ້ຊິດສະໜິດສະໜົມກັບສິ່ງແວດລ້ອມ, ໄປພ້ອມກັບການອະນຸລັກຮັກສາ ແລະ ພັດທະນາ ສິ່ງແວດລ້ອມ ຫາກບໍ່ແມ່ນເຮັດໃຫ້ສິ່ງແວດລ້ອມຊົ່ວຮ້າຍລົງ. ທີ 2 ແມ່ນຕ້ອງຕິດພັນກັບການປະຢັດພະລັງງານກໍຄືທຸກໆແຫຼ່ງຊັບພະຍາກອນທຳມະຊາດອື່ນ, ພວກເຮົາຕ້ອງມານະພະຍາຍາມຈົນສຸດຄວາມສາມາດຂອງຕົນຕາມທິດນັ້ນ.”