ທ່ອງທ່ຽວໂຮ້ຍອານ
(ພາບ:tourdulichhoian.dulichvietnam.com.vn)
(vovworld): ວາລະສານທ່ອງທ່ຽວ Wanderlust ທີ່ມີຊື່ສຽງຂອງອັງກິດ ສະບັບອອກວັນທີ 31/1 ໄດ້ປະກາດວ່າ: ນະຄອນໂຮ້ຍອານ ຂອງຫວຽດນາມ ໄດ້ຮັບການຄັດເລືອກແມ່ນນະຄອນອັນດັບໜຶ່ງໃນໂລກຈາກຜູ້ອ່ານ. ຕາມວາລະສານສະບັບດັ່ງກ່າວແລ້ວ, ຜູ້ອ່ານຫຼາຍຄົນຂອງເຂົາເຈົ້າແມ່ນບັນດານັກທ່ອງທ່ຽວຂະຫຍັນຂັນເຂື່ອນກ່ວາໝູ່ໃນປະເທດອັງກິດ ແລະ ເກືອບ 3000 ຄົນໃນຈຳນວນເຫຼົ່ານັ້ນໄດ້ເລືອກເຟັ້ນບັນດາລາງວັນທ່ອງທ່ຽວປີນີ້, ໃນນັ້ນມີລາງວັນນະຄອນໄດ້ຮັບຄວາມນິຍົມຊົມຊອບກ່ວາໝູ່. ອີງຕາມການສັງເຫດຕີລາຄາໃນການທ່ອງທ່ຽວຢູ່ໂຮ້ຍອານ, ນັກທ່ອງທ່ຽວໄດ້ປ່ອນບັດຕີລາຄາລະດັບຄວາມພຶງພໍໃຈຂຶ້ນເຖິງ 97,18%. ທີ່ພິທີມອບລາງວັນໄດ້ຖືກຈັດຂຶ້ນຢູ່ນະຄອນຫຼວງລອນດອນ, ທ່ານນາງ Lyn Hughes ຜູ້ສ້າງຕັ້ງຮ່ວມວາລະສານ Wanderlust ແລະ ປະຈຸບັນແມ່ນຫົວໜ້າບັນນາທິການວາລະສານ ໄດ້ມອບໃບຢັ້ງຢືນນະຄອນໂຮ້ຍອານ ໄດ້ຮັບລາງວັນຄຳໃຫ້ແກ່ທ່ານນາງ ເລທິທູຮັ່ງ, ທີ່ປຶກສາສະຖານທູດຫວຽດນາມ ປະຈຳອັງກິດ. ທ່ານນາງ Lyn Hughes ໃຫ້ຮູ້ວ່າ: ປີນີ້ມີທັງໝົດ 976 ນະຄອນໄດ້ຮັບການຄັດເລືອກແຕ່ບໍ່ທັນມີແຫ່ງໃດໄດ້ຣັບການຕີລາຄາສູງຄືໂຮ້ຍອານ, ຖັດຈາກໂຮ້ຍອານ ແມ່ນນະຄອນ Cusco ຂອງ Peru ໄດ້ຮັບ 95,76% ລະດັບຄວາມພຶງພໍໃຈ, ຕໍ່ຈາກນັ້ນແມ່ນນະຄອນກຽວໂຕ ຂອງຍີ່ປຸ່ນ ດ້ວຍລະດັບ 94,81%.