(vovworld) – ໃນ 6 ເດືອນຕົ້ນປີຂະແໜງເຄື່ອງຕຳແຜ່ນຕັດຫຍິບຫວຽດນາມ ບັນລຸໄດ້ບັນດາໝາກຜົນດີພໍສົມຄວນ, ດ້ວຍວົງເງິນສົ່ງອອກບັນລຸເກືອບ 9 ຕື້ USD. ບັນດາຂໍ້ມູນດັ່ງກ່າວຖືກຍົກອອກມາ ທີ່ການພົບປະກັບສ່ືມວນຊົນ ເພື່ອແຈ້ງໃຫ້ຊາບໝາກຜົນແຫ່ງການຜະລິດດຳເນີນທຸລະກິດໃນ 6 ເດືອນຕົ້ນປີ 2013 ໂດຍກຸ່ມບໍລິສັດເຄື່ອງຕຳແຜ່ນຕັດຫຍິບຫວຽດນາມ ຈັດຕັ້ງຂຶ້ນໃນຕອນບ່າຍວັນທີ 09/07, ຢູ່ຮ່າໂນ້ຍ. ໃນນັ້ນ, ຈຳນວນສິນຄ້າສົ່ງອອກເຂົ້າອາເມລິກາ ຫຼາຍກວ່າໝູ່, ບັນລຸເກືອບ 4 ຕື້ USD, ຖັດມາແມ່ນສະຫະພາບເອີລົບ, ຍີ່ປຸ່ນ, ສ.ເກົາຫຼີ... ເພື່ອການສົ່ງອອກເຄື່ອງຕຳແຜ່ນຕັດຫຍິບສືບຕໍ່ບັນລຸລະດັບເຕີບໂຕ, ທ່ານເລຕ໋ຽນເຈື່ອງ, ຮອງຜູ້ອຳນວຍການໃຫຍ່ກຸ່ມບໍລິສັດຕຳແຜ່ນຕັດຫຍິບຫວຽດນາມ ໃຫ້ຮູ້ວ່າ.
“ມາດຕະການຍຸດທະສາດຂອງພວກຂ້າພະເຈົ້າແມ່ນສືບຕໍ່ບໍລິຫານຍຸດທະຍາດພັດທະນາຂອງກຸ່ມບໍລິສັດຕາມທິດຜະລິດຕິດພັນກັບບັນດາການເຊື່ອມຕໍ່ເຊິ່ງນຳກັນຢ່າງແໜ້ນແຟ້ນ. ກ່ຽວກັບມາດຕະການດ້ານການເງິນ ນອກຈາກສຸມແຫຼ່ງທຶນໃຫ້ບັນດາຫົວໜ່ວຍຂອງກຸ່ມບໍລິສັດພັດທະນາການຜະລິດດຳເນີນທຸລະກິດຕາມແຜນການແລ້ວ, ພວກຂ້າພະເຈົ້າຍັງເຂົ້າຮ່ວມລາຍການທຶນກ່ຽວກັບການສ້າງໂຄງປະກອບທະນາຄານອາຊີ ຄືນໃໝ່ ເຊິ່ງຂະແໜງຕຳແຜ່ນຕັດຫຍິບແມ່ນກຸ່ມບໍລິສັດເສດຖະກິດໜຶ່ງດຽວໄດ້ເຂົ້າຮ່ວມໂຄງການນີ້. ກ່ຽວກັບມາດຕະການລົງທຶນການເຊື່ອມຕໍ່ພາຍໃນ ແມ່ນປັດໃຈພື້ນຖານເພື່ອກຳນົດໃຫ້ແກ່ການລົງທຶນໃນບັນດາຮູບແບບໃໝ່”.