(vovworld) – ຕາມກົມຄຸ້ມຄອງການຈົດທະບຽນດຳເນີນທຸລະກິດ, ກະຊວງແຜນການ ແລະ ການລົງທຶນ, ໃນ 8 ເດືອນປີ 2013, ທົ່ວປະເທດມີວິສາຫະກິດໃໝ່ 52.000 ແຫ່ງໄດ້ຮັບການສ້າງຕັ້ງຂຶ້ນ, ຈຳນວນວິສາຫະກິດປະສົບກັບຄວາມຫຍຸ້ງຍາກທີ່ຖືກຍຸບເລີກ ຫຼື ຢຸດການເຄື່ອນໄຫວດຳເນີນທຸລະກິດພວມຫລຸດລົງ. ໄລ່ສະເພາະໃນ 6 ເດືອນຕົ້ນປີ, ຈຳນວນວິສາຫະກິດໄດ້ຮັບການສ້າງຕັ້ງໃໝ່ໄດ້ເພີ່ມຂຶ້ນ 7,6% ເມື່ອທຽບໃສ່ໄລຍະດຽວກັນຂອງປີກ່ອນ. ພິເສດ, ສະເພາະໃນໄຕມາດທີ 2, ມີວິສາຫະກິດ 23.000 ແຫ່ງໄດ້ຈົດທະບຽນສ້າງຕັ້ງໃໝ່. ນີ້ແມ່ນຕົວເລກສູງສຸດໃນຮອບເວລາ 2 ປີຜ່ານມາ. ໄປຄຽງຄູ່ກັນນັ້ນ, ໃນໄຕມາດທີ 2, ຈຳນວນວິສາຫະກິດພວມຢຸດຕິການເຄື່ອນໄຫວຊົ່ວຄາວໄດ້ກັບຄືນສູ່ການເຄື່ອນໄຫວຄືນໃໝ່ໃນແຕ່ລະເດືອນ. ກົມໃຫຍ່ສະຕິຖິໃຫ້ຮູ້ວ່າ: ໃນ 8 ເດືອນຜ່ານມາ, ຍອດລະດັບສິນຄ້າຂາຍຍ່ອຍ ແລະ ລາຍຮັບຈາກການບໍລິການບໍລິໂພກອຸປະໂພກ ຄາດວ່າບັນລຸໄດ້ 1.700 ຕື້ດົ່ງ, ເພີ່ມຂຶ້ນ 12% ເມື່ອທຽບໃສ່ໄລຍະດຽວກັນຂອງປີກາຍ. ຕາມກົມໃຫຍ່ສະຖິຕິແລ້ວ, ກຳລັງຊື້ພວມຄ່ອຍໆເພີ່ມຂຶ້ນ, ອັດຕາດອກເບ້ຍຢູ່ໃນລະດັບຕຳ່... ແມ່ນບັນດາປັດໄຈຊ່ວຍໃຫ້ວິສາຫະກິດເລີ່ມຕົ້ນການເປີດກ້ວາງການຜະລິດ, ສ້າງຕັ້ງວິສາຫະກິດໃໝ່ ເພື່ອຍາດແຍ່ງກາລະໂອກາດທຳມາຫາກິນ.