ວາລະປະຊຸມລັດຖະບານປະຈຳເດືອນ 10
(ພາບ: VGP/NhatBac)
(vovworld) – ໃນວັນທີ 29/10, ຢູ່ສຳນັກງານລັດຖະບານ ຫວຽດນາມ, ທ່ານນາຍົກລັດຖະມົນຕີ ຫງວຽນເຕີ໋ນຢຸງ ເປັນປະທານວາລະປະຊຸມລັດຖະບານປະຈຳເດືອນ 10. ບັນດາສະມາຊິກລັດຖະບານສຸມໃສ່ຕີລາຄາສະພາບເສດຖະກິດ - ສັງຄົມໃນເດືອນ 10 ແລະ 10 ເດືອນຕົ້ນປີ, ປຶກສາຫາລື, ເຫັນດີບັນດາມາດຕະການຊີ້ນຳ, ບໍລິຫານພື້ນຖານເສດຖະກິດດ້ວຍຄວາມຕັດສິນໃຈ ບັນລຸບັນດາຄາດໝາຍທີ່ໄດ້ວາງອອກໃນປີນີ້ໃຫ້ຢູ່ໃນລະດັບສູງສຸດ, ພ້ອມທັງໃຫ້ຄວາມເຫັນກ່ຽວກັບຫຼາຍບັນຫາສຳຄັນອື່ນອີກ. ທີ່ວາລະປະຊຸມ, ບັນດາຜູ້ແທນໄດ້ເຫັນດີເປັນເອກະພາບນຳກັນວ່າ, ນັບແຕ່ຕົ້ນປີມາຮອດປະຈຸບັນ, ພື້ນຖານເສດຖະກິດຫວຽດນາມສືບຕໍ່ຟື້ນຟູຢ່າງເຫັນໄດ້ຊັດ, ແລະ ບັນດາຜົນງານສູງກວ່າເມື່ອທຽບໃສ່ໄລຍະດຽວກັນຂອງປີກາຍ, ເສດຖະກິດມະຫາພາກມີສະຖຽນລະພາບ, ໄພເງິນເຟີ້ ໄດ້ຮັບການຄວບຄຸມຢູ່ໃນລະດັບຕຳ່ສຸດ, ການເຕີບໂຕລະດັບສິນເຊື່ອບັນລຸລະດັບສູງກວ່າລະດັບລະດົມທຶນ, ຄຸນນະພາບສິນເຊື່ອໄດ້ຮັບການປັບປຸງໃຫ້ດີຂຶ້ນ, ໜີ້ເສຍໄດ້ຫຼຸດລົງໃນລະດັບຕຳ່ກວ່າ 3%. ສະພາບແວດລ້ອມແຫ່ງການລົງທຶນ, ດຳເນີນທຸລະກິດໄດ້ຮັບການປັບປຸງ. ການຜະລິດອຸດສາຫະກຳ, ໃນນັ້ນອຸດສາຫະກຳຜະລິດປຸງແຕ່ງເພີ່ມຂຶ້ນຫຼາຍເມື່ອທຽບໃສ່ໄລຍະດຽວກັນຂອງປີກາຍ… ບັນດາສະມາຊິກໃນຄະນະລັດຖະບານ ກໍ່ສຸມໃສ່ປຶກສາຫາລືກ່ຽວກັບສະພາບງົບປະມານປີ 2015, ໜ້າທີ່ສ້າງຄວາມສົມດຸນລະຫວ່າງລາຍຮັບ, ລາຍຈ່າຍປີ 2016.
ແລະກໍ່ຢູ່ທີ່ວາລະປະຊຸມ, ບັນດາສະມາຊິກໃນຄະນະລັດຖະບານ ກໍ່ປະກອບຄວາມເຫັນກ່ຽວກັບການສືບຕໍ່ຮັກສາການເຄື່ອນໄຫວຂອງກອງທຶນປ້ອງກັນ, ຕ້ານອາດຊະຍາກຳ, ເປັນເອກະພາບຕໍ່ອັດຕາແລກປ່ຽນເງິນຕາຕ່າງປະເທດໃນການຄິດໄລ່ພາສີສຳລັບນຳ້ມັນ, ຮ່າງລັດຖະດຳລັດຄຸ້ມຄອງຕະຫຼາດ ແລະ ຮ່າງກົດໝາຍວ່າດ້ວຍພິທັກຮັກສາ