ໃນປີ 2017 ຄະນະປະຈຳສະພາແຫ່ງຊາດຈະຈັດຕັ້ງວາລະປະຊຸມ 10 ຄັ້ງ
(ພາບປະກອບ)
(vovworld) - ຄາດຄະເນວ່າ ໃນປີ 2017 ຄະນະປະຈຳສະພາແຫ່ງຊາດຈະດຳເນີນວາລະປະຊຸມ 10 ຄັ້ງ (ນັບແຕ່ວາລະປະຊຸມຄັ້ງທີ 6 ມາຮອດວາລະປະຊຸມຄັ້ງທີ 15). ນີ້ແມ່ນເນື້ອໃນລາຍການປະຕິບັດງານປີ 2017 ຂອງຄະນະປະຈຳສະພາແຫ່ງຊາດຊຸດທີ 14 ເຊິ່ງຄະນະປະຈຳສະພາແຫ່ງຊາດຫາກໍ່ປະກາດໃຊ້. ກ່ຽວກັບວຽກງານສ້າງກົດໝາຍ, ລັດຖະບັນຍັດ, ຄະນະປະຈຳສະພາແຫ່ງຊາດສືບຕໍ່ຊີ້ນຳເລື່ອງກວດກາການປັບປຸງ, ເພີ່ມເຕີ່ມ, ປະກາດໃຊ້ໃໝ່ບັນດາເອກະສານນິຕິກຳ ເພື່ອຫັນຂໍ້ກຳນົດຂອງລັດຖະທຳມະນູນເປັນລະອຽດ, ຕອບສະໜອງຄວາມຮຽກຮ້ອງຕ້ອງການພັດທະນາເສດຖະກິດ - ສັງຄົມຂອງປະເທດຊາດ; ຜັນຂະຫຍາຍການປະຕິບັດລາຍການສ້າງກົດໝາຍ, ລັດຖະບັນຍັດປີ 2017, ຮັບປະກັນຄຸນນະພາບ, ຄວາມຄືບໜ້າກະກຽມບັນດາໂຄງການ, ແຜນຮ່າງ. ຄະນະປະຈຳສະພາແຫ່ງຊາດກໍ່ຈະຊີ້ນຳວຽກງານກະກຽມ ແລະ ຍື່ນສະເໜີຕໍ່ສະພາແຫ່ງຊາດພິຈາລະນາ, ຮັບຮອງເອົາມະຕິກ່ຽວກັບລາຍການສ້າງກົດໝາຍ, ລັດຖະບັນຍັດປີ 2018; ພິຈາລະນາ ຮັບຮອງເອົາລັດຖະບັນຍັດ, ມະຕິຕາມການແບ່ງງານຂອງຈາກສະພາແຫ່ງຊາດ. ກ່ຽວກັບວຽກງານຕິດຕາມກວດກາ ຄະນະປະຈຳສະພາແຫ່ງຊາດ ຈະປະກອບຄຳເຫັນໃສ່ບົດລາຍງານຕີລາຄາເພີ່ມເຕີ່ມກ່ຽວກັບໝາກຜົນແຫ່ງການປະຕິບັດແຜນການພັດທະນາເສດຖະກິດ - ສັງຄົມ ແລະ ງົບປະມານແຫ່ງລັດປີ 2016; ຕີລາຄາສະພາບການຜັນຂະຫຍາຍການປະຕິບັດແຜນການພັດທະນາເສດຖະກິດ - ສັງຄົມ ແລະ ງົບປະມານແຫ່ງລັດໃນຊຸມເດືອນຕົ້ນປີ 2017; ລາຍງານສະຫລຸບຂາດຕົວງົບປະມານແຫ່ງລັດປີ 2015; ລາຍງານກ່ຽວກັບການປະຕິບັດການປະຢັດ, ຕ້ານການຟຸມເຟືອຍປີ 2016; ຊີ້ນຳການປັບປຸງບັນດາບົດລາຍງານທີ່ກ່ຽວຂ້ອງເພື່ອຍື່ນສະເໜີຕໍ່ສະພາແຫ່ງຊາດທີ່ກອງປະຊຸມສະໄໝສາມັນເທື່ອທີ 3. ພ້ອມທັງ ປະກອບຄຳເຫັນໃສ່ບັນດາບົດລາຍງານຕີລາຄາກ່ຽວກັບການປະຕິບັດແຜນການພັດທະນາເສດຖະກິດ - ສັງຄົມ ແລະ ງົບປະມານແຫ່ງລັດປີ 2017, ແຜນການພັດທະນາເສດຖະກິດ - ສັງຄົມ ແລະ ແຜນງົບປະມານແຫ່ງລັດປີ 2018; ບັນດາບົດລາຍງານວຽກງານຂອງສານປະຊາຊົນສູງສຸດ, ອົງການໄອຍະການປະຊາຊົນສູງສຸດ, ອົງການກວດສອບແຫ່ງລັດ; ລາຍງານກ່ຽວກັບເລື່ອງແກ້ໄຂຄຳຮ້ອງທຸກ, ຟ້ອງຮ້ອງ; ລາຍງານກ່ຽວກັບສະພາບການປະຕິບັດລັດຖະທຳມະນູນ, ກົດໝາຍ, ມະຕິຂອງສະຫາແຫ່ງຊາດ.